GACNO TOIB GALÁN MEXTRA
Xí labúu gonyno par gonyno xchiin Dios más galán: bisuidy ni ná revistas par labúu guininélo buñ
XIGONY RASACNI: Tipnés mod par guisianéno buñ libros né guiich ni sitné Ni non gonyno ló reunión goyaʼtzayni. Labúu guiniʼlo láani ló xtiitzcalo. Sigory náni looy guiquiinlo tema reʼ de stoib mod, o pal nainy looy labúu guiquiinlo stoib tema. Par labúu gonylo ndeʼ nír bíil revista, bibiʼ ximod nac presentaciones né bibiʼ videos ni noʼ par demostraciones; ór cú bisuidy ximod guininélo buñ mod sieed ló página 1.
XIMOD GONYNO LÁANI:
¿Saquiinlo toibtica presentaciones ni noʼ la?
SCÚ
-
Goyoʼ puext xi láani guiniʼlo órni guiniʼlo dioxh toib buñ né góoch láabu xigony noʼlo riolidxbu. (Ejemplo: «Caninéya looy portín...»).
-
Buny pensary ló galrranabdiitz ni gonylo né xi guiniʼlo par guitzaklo láani né texto ni goʼol lo, né buny pensary xi guiniʼlo par guitzaklo texto ni goʼol lo né guiich ni guisianélo. (Ejemplo: Antes de goʼol lo toib texto, labúu guiniʼlo: «Bibiʼ ximod rabexa la Biblia láani»).
YACA
-
Biquiin toib tema ni sitné revista ni más rioladxlo né ni rioladx buñ lagary ro rabéslo.
-
Buny pensary ló toib galrranabdiitz par gooylo diitz né buñ ni caninélo, per diti gonylo que guitoybu. (Ejemplo: biquiin galrranabdiitz ni sieed ló página chop ni sitné revistas).
-
Biyopy toib versículo né bíil láani. (Órni guisianélo ¡Despertad!, pal labúuni buny láani portín revista reʼ nacni par buñ ni diti tampa nan ni rasuidy la Biblia o diti napyibu confianz ló religión).
-
Buny pensary ló toib o chop diitz par cuéxalo buñ ni caninélo ximod labúu gacné toib artículo láabu.
TOIBTICA DE LÁANI
-
Bisuidy toib galrranabdiitz par guicapylo láani stoib ór ni guibiguetlo.
-
Bicaʼ ló guiich xi láani gacné looy par ganlo xi guiniʼlo stoib ór ni guibiguetlo.
