MOD NON GUIBANYNO
Guicacuentno buñ ni biruʼno guieed Memorial
Dzú 23 de marz guicacuentno gahxca doce millones de buñ ni guieed Memorial. Herman ni guituidy discurs cuéxabu que Jehová biduidy toib galrrascad móz a buñ Gudxlio órni bixelbu Jesús goity por lóono né que guiráno labúu guicaʼno galnasác por ni goitybu (Isa 11:6-9; 35:5, 6; 65:21-23; Jn 3:16). Per herman ni guituidy discurs diti nosi láabu guiniʼbu, lóono láaca labúu gacnéno par guicacuentno guirá buñ ni guidxin ló Memorial (Ro 15:7). Guibiʼno tipnés mod par labúu gonyno láani.
-
Xalagary tzachélo xalagarylo ni maca par cuéslo salóni, cuacuent guirá buñ ni guidxin né herman ni ma xidzú ni diti riee reunión. Bibaladx né goniné layibu.
-
Goruné buñ ni biruʼlo, per láaca cuá cuidad pal bidxin toib buñ ni cuacuent invitación dzú bikiʼsno láani. Góoch láabu que labúu cuuto toibsi né biduidy Biblia né libro ni sitné canción láabu.
-
Órni guilox discurs, goniné láabu né gon pal nainy láabu ganbu más. Pal congregación xtunylo non guireʼyibu ni maca par guidop stoib congregación, góoch láabu que labúu tzáguenlo láabu stoib dzú. Labúu gaibylo láabu ndeʼ: «Rioladxi gaana ximod bibiʼlo reunión reʼ. ¿Ximod labúu guidzela looy par gooyno diitz más galán?».