Follet ni laa, ¿Chú layibu rony ni ná Jehová ló xtzúno? goyaʼni par guiquiinno láani antes o después ni lox guisuidyno né layibu guirá xomal. * Lesiony 1 a 4 rabexa xí clas buñ nac testigos xtuny Jehová; lesiony 5 a 14 rasetlaa dxiin ni ronyno, né lesiony 15 a 28 rasetlaa ximod cayony xcudxno dxiin ló naareʼ. Más galán guisuidyno guirá lesiony reʼ mod sieedni ló follet reʼ, per pal buñ ni casuidyno ná guisuidy toib tema ni más rioladxbu labúu gonyno láani. Dopien toib lesiony por ngú labúu guisuidyno láani né layibu ló gáay o chii minut.

• Guirá títulos ni nap follet reʼ nacni galrranabdiitz né goleʼ loguiaʼ láani.

• Labúu goʼolto guidopyca lesiony o por párrafos.

• Colcuéxa ni ma bíilto. Colguicapy galrranabdiitz ni sieed ñeʼ guiich né guirá dibuj ni napni. Pal raquiin goʼolto texto ni napni, colgoʼol láani. Góoch láabu que letra yaʼas ni noʼ ro rasaló toib párrafo racapy galrranabdiitz xtuny título.

• Pal lesiony ni casuidyto nap cuadriyen ni ná, «Par gannlo más», colgoʼol láani né góoch láabu gonybu ni náni.