XIGONY RASACNI: Primera a los Corintios nacni toibtica de 14 guiich ni bicaʼ Pablo par buny animarbu herman ni bibany dzúcu. Órni racaʼno toib guiich labúu guiyopyno xi diitz guicaʼno né buñ ni racacuent láani labúu goʼol guiichcu xidal buelt. Modreʼ labúu guisuidyno xtiitz Dios a xfamilno a buñ ni rimbuno né a buñ ni diti radzelno rioʼ. Por ejemplo, sigory rasac naganno guidzelno toib buñ ni bicadiag lóono o rabésbu nigolú sit. ¿Xí non guicaano cuidad órni guixelno guiich ló toib buñ ni diti rimbuno?

XIMOD GONYNO LÁANI:

• Bicaʼ xquiichlo xomod órni rooylo diitz né toib buñ. Nír bicaʼ ximod laalo né xigony cacaʼlo guiich lóbu. Sigory, labúu gonylo toib galrranabdiitz ni gony que guiniiny ganbu más né guisetlalo que napno toib página ló Internet. Láaca, labúu gaibylo láabu que labúu guisuidybu la Biblia lidxbu né xcalrracné toib herman o labúu guisetlalo título xtuny toib capítulo de libro ni raquiinno órni rasuidyno buñ. Lainy sobrecu, labúu coʼlo toib tarjeta de contacto, toib invitación o toib tratad.

• Diti gonylo láani nigolú sioʼol, siaca guixacladxbu né diti guistoʼbybu láani (bibiʼ ro ná, Mod guicaʼlo toib guiich).

• Cuá cuidad pal galán bicaʼlo láani, pal nayaa caani, pal diti cadilnélo láabu, pal caquiinlo diitz nadaʼa né pal caslooylo respet láabu.