XIGONY RASACNI: Xidal buñ ni diti rabiʼ diti rasacyibu sacró órni raninéyibu buñ ni diti rimbuyibu. Por ngú, par guisuidyno layibu ni ná la Biblia non guiyopyno mod gonyno láani. Jehová nadxiʼbu né rioʼbu galrrasaʼ por buñ ni diti rabiʼ (Le 19:14). Guisuʼno Jehová né guiyopyno mod gacnéno layibu guimbuyibu Dios.

XIMOD GONYNO LÁANI:

• Gosaló biyopy layibu (Mt 10:11). ¿Rimbulo toib buñ ni noʼ xfamil ni diti labúu rabiʼ la? Ló territorio xtunylo, ¿noʼ scuel o stipnés lagary ro ranyibu buñ ni diti rabiʼ né raniiny guicaʼyibu guiich ló diitz braille la?

• Goyoʼ galrrasaʼ por layibu. Pal ragobiolo né rioʼlo galrrasaʼ por layibu, sioladxyibu guininéyibu looy. Goniʼ de toib tema ni raniiny buñ guicadiag.

• Gocné layibu guimbuyibu Jehová. Xcudx Jehová ma goleʼ xidal publicaciones de xidal mod par gacnéno buñ ni diti tampa rabiʼ né buñ ni diti labúu rabiʼ. Gonabdiitz buñ ximod nainy láabu guisuidybu. Superintendente de servicio non guicábu cuidad que hermano ni rakiʼs libros né guiich non guinabbu publicaciones reʼ.