Guirá íz noʼ toib campaña par guiruʼno buñ guidop né lóono ló Memorial. Casi guirá buñ ni raruʼno diti rimbuno layibu. Per láaca non guiruʼno buñ ni rimbuno. Órni raruʼno buñ ni rimbuno sigory sonybu xtem por guidxinbu dzúcu (yb08-S pág. 11 párr. 3; pág. 14 párr. 1). ¿Chú stipnés labúu guiruʼno?

• Xfamilno.

• Buny ni ronynéno dxiin o xcompañerno de yolayscuel.

• Xpesinno.

• Buñ ni riguenno, buñ ni rasuidyno o buñ ni bisuidyno antes.

Láaca ancianos non guiruʼyibu herman ni ma nap xhoop beʼo de goló ma diti raniʼ xtiitz Dios. ¿Xí labúu gonylo pal nainy guiruʼlo toib buñ ni rimbulo per rabésbu sit? Biyopy pu lagary né xi ór gac Memorial niis ro rabésbu. Par labúu ganlo láani, goyee ló jw.org/zpa ro ná, DE LÓODO né biquichña ro ná «Memorial». Laʼga guidxin dzúcu, buny pensary xi buñ labúu guiruʼlo né biruʼ layibu.