Jehová raniiny gonyno xchiimbu por galnadxiʼ (Mt 22:37, 38). Xcalnadxiʼ Dios ngú sacné a guiránac buñ par guitzaʼ mod nac né guicalóbu prueby né ngú sachiin láabu par tzonisbu (1Jn 5:3).

Gocné buñ ni casuidylo guienyibu que Jehová nadxiʼ layibu. Gonabdiitz layibu ndeʼ: «¿Xí rasuidy ndeʼ looy de Dios?» o «¿Ximod raslooy ndeʼ que Jehová nadxiʼ looy?». Gocné layibu guidudyibu cuent ximod cayacné Jehová layibu (2Cr 16:9). Góoch layibu ximod cuapy Jehová oración xtunylo, né buny animar layibu guidudyibu cuent xi láani rony Dios par guicapy oración xtunyibu. ¡Nigolú sabaladxlo órni guibiʼlo que Jehová né buñ ni casuidylo nacyibu ximigyibu saʼyibu né nadxiʼyibu saʼyibu!

ÓRNI MA BIBIʼLO VIDEO NI LAA, GACNÉNO BUÑ NI CASUIDYNO GAC XIMIG JEHOVÁ, CUAPY GUIRÁ GALRRANABDIITZ REʼ:

• ¿Xí galnagan cualó Coral?

• ¿Xí láani buny Rita par gocné láabu?

• ¿Xí láani buny Coral par labúu cualóbu galnagancu?