Diti nagan que prueby cueʼ gan lóono, né máspa la, pal nigolú raclani. David gon que galnagan ni gopbu né Saúl diti naclani por tipzó né que nadxiimbu ñacbu rey xomod goniʼ Jehová láani (1Sa 16:13). Fe ni gop David ngú gocné láabu par gopbu paseins, né golésbu que Jehová ñony alga.

Órni radudyno ló prueby, labúu ganno xi láani gonyno né coʼno xcalrrienno par labúu guicalóno láani (1Sa 21:12-14; Pr 1:4). Per tipnés galnagan diti rareʼni ná ma bunyno rutigoygaʼlni lóono par guisobno consej ni sieed ló la Biblia. Órni casaclono ndeʼ non gapno paseins né cuésno lóo Jehová gonybu alga. Mápa mer sabeʼbu guirá cós ni ratudy lóono ló galrrioʼob né «saspiichbu nís» ni rareʼ bisalóno (Ap 21:4). Sigory galnagan ni cacalóno labúu racalóno láani portín Jehová cayacné lóono o racni por stipnés razón, per ni nandxichno láani ngú: guirá prueby radudy xtzúni. Ni nanno ndeʼ rasialdóni xcalnabanyno.

ÓRNI MA BIBIʼLO VIDEO NI LAA, TOIB GUDX NI DXEE TOIBSI, CUAPY GUIRÁ GALRRANABDIITZ REʼ:

• ¿Xí galnagan cualó xidal Testigos ni rabés lad sur de Estados Unidos?

• ¿Ximod bislooyibu paseins né galnadxiʼ?

• ¿Xí láani ngú ni más gosac par hermanos reʼ? (Flp 1:10).