Buñ ni casuidy la Biblia par labúu gacyibu ximig Jehová non guisianyibu vis ni napyibu (1Pe 1:14-16). Pal labúu rasianyibu láani sigory labúu sadzakyibu xfamilyibu sacró né ma diti saxoʼyibu, né sapyibu más bidxiich.

Góoch buñ ni casuidylo xi rony mandary Jehová, xi razón noʼ par guisob buñ láani né xi galnasác racaʼ buñ órni rasob ni ná Jehová. Gocné buñ ni casuidylo guitzaʼ mod nac xpensary, né ngú sacné láabu gonybu cós tzaay (Ef 4:22-24). Góoch láabu que Jehová labúu sacné láabu guirá ór par labúu guisiambu nitisi cós mal ni rasac naganbu guisiambu (Flp 4:13). Bisuidy láabu guinabbu xcalrracné Jehová nimaca órni nainy láabu gonybu toib galkié. Gocné láabu guidudybu cuent xi tramp noʼ né góoch láabu xi raquiin gonybu par diti guiabbu loni né buny animar láabu guisiambu vis ni napbu, né xalagary ngú gonybu cós tzaay. Né órni guibiʼlo que buñ ni casuidylo, catzaʼ mod nac né xcalrracné Jehová, nigolú sabaladxlo.

ÓRNI MA BIBIʼLO VIDEO NI LAA, GACNÉNO BUÑ NI CASUIDYNO GUISIAN CÓS NI RIANLADX JEHOVÁ, CUAPY GUIRÁ GALRRANABDIITZ REʼ:

• ¿Xí buny ancianos né Rita órni Coral góoch layibu que ragobu mariguan?

• ¿Xí láani buny Rita par labúu gocnébu Coral?

• ¿Xí láani buny Coral par labúu gocné Jehová láabu?