Napno tap videos ni raniʼ ximod rasuidyno buñ ni ná la Biblia. ¿Xigony goyaʼ tigaaga video reʼ né ximod guiquiinno láani ló predicación?

• ¿Xigony guisuidyno la Biblia? (ni más sioʼol). Racnéni buñ guioladx guisuidy la Biblia nac nitisi nac ni ronyibu crer. Rachiinni layibu guiyopyibu mod rarexa ló la Biblia tipnés galrranabdiitz ni más rony buñ, né raquiinni toib ejemplo ni raslooy que mod rabexa la Biblia guirá galrranabdiitzcu, nigolúni. Né ro ma cadopy videocu rabexani ximod guinab- bu toib buñ ni guisuidy láabu.

• ¿Xigony guisuidyno la Biblia? (ni más dop). Ni rarecaa ló video reʼ, moda ngúca sieed ló video ni más sioʼol, per más dopni. Por ngú, labúu guiquiinno láani ro diti tampa nap buñ tiemp.

• ¿Ximod rasuidydo buñ la Biblia? Racnéni buñ guioladx guisuidy la Biblia scásiʼ né racapyni galrranabdiitz ni más rony buñ, por ejemplo, ximod guinabbu toib curso bíblico.

• Rabaladxdo ni ma guisuidylo la Biblia. Video reʼ raslooyno láani buñ ni ma casuidy la Biblia. Ná video reʼ rarecaani ló página 2 ni sieed ló libro ni laa, Bibany goxtiguie, láaca labúu guiquiinno láani órni guisuidyno buñ né follet. Video reʼ ló chop tzónsi diitz raniʼ xi sieed ló libro reʼ né ximod rasuidyno buñ.

Ná tigaaga video reʼ goyaʼni par toib cós, labúu guixelno láani ortísi nainy lóono. Coʼno guicno ganno ximod guiquiinno guirá video reʼ, modreʼ labúu guiquintzayno láani ló predicación.