Conforma radudy dzú, más racxiroʼ desgrasy. Órni rac desgrasy nigolú rasac que labores de socorro gony dxiin toibsi né ganyibu xi dxiin gonyibu. Por ngú Tidxó buñ ni nap xiroʼ Galnan ma bidudy instrucciones a guirá sucursal ni noʼ ló guidopynac Gudxlio par gapyibu toib departamento ni laa, Departamento de Labores de Socorro.

Órni herman ni rony dxiin ló departamento reʼ ran que goyoʼ toib desgrasy, nimaca raninéyibu ancianos de lagarycu par ganyibu xi caquiin herman. Pal herman diti labúu guicaló láani toib, órcu sucursal sabú herman ni nan rasanir ló de clas dxiincu. Layibu pentzi saquiinyibu xcalrracné stipnés herman, sanabyibu tipnés cós ni máspa caquiin herman de lagarycu o pentzi sasiʼyibu né sakiʼsyibu guirá cós ni caquiin herman.

Noʼ xidal razón ni racni modreʼ. Por ejemplo, ndeʼ racné par diti xilaʼsi gac dxiinreʼ, par gac xinésni, par diti kityibu bidxiich né material. Per órni diti noʼ ni rasanir loni diti rarecaani modreʼ.

Herman ni guixel sucursal, saniʼ balac bidxiich né balac herman saquiinyibu. Láaca labúu guininéyibu buñchiin de lagarycu modreʼ dxiinreʼ sácni más naguel. Por ngú pal diti racaʼlo instrucción, ranabdo looy diti guitoplo bidxiich, diti guixelo cós, nili tzeelo ro góc desgrasycu.

Nigolú ronladxno xhermanno, por ngú órni rac desgrasy nainy lóono gacnéno (Heb 13:16). ¿Xí labúu gonyno? Ni más rasac ngú gonyno oración por guirá herman ni cualó desgrasycu né ni cayacné loni. Láaca labúu guidudyno donación par obra mundial. Guirá sucursal ni rony dxiin toibsi né Tidxó buñ ni nap xiroʼ Galnan nanyibu ximod né pu guiquiinyibu guirá donación. Pal nainy lóono gacnéno, guistzano solicitud ni laa, Solicitud de voluntario local de diseño y construcción (DC-50).

ÓRNI MA BIBIʼLO VIDEO NI LAA, BIGUAGUELGOLUʼ NÍS LAINY GUDX BRASIL, CUAPY GUIRÁ GALRRANABDIITZ NI SIEED REʼ:

¿Xí láani radziguiaʼlo de dxiin ni buny testigos xtuny Jehová después ni biguaguel nís lainy gudx Brasil?