Bunysi pensary ximod gosac Jesús ló visión órni Bixiosbu goniʼ que racacuent láabu. Nantzayno que ngú biduidy galnadip láabu par ñony guantarybu guirá galrrioʼob ni nacalóbu. Visión reʼ láaca gocnéni a Pedro, Santiago né Juan. Biluladxyibu más que Jesús ngú Mesías né que galán ngú ni nacyibu xpiin Jesús. Godudy treinta y dos íz, Pedro bisetnaladxsa ximod visióncu buny nadipni fe xtunybu que nigolú «guirá ni goniʼ profetas» xtuny Dios (2Pe 1:16-19).
Ná lóono diti labúu bibiʼno galrradziguiaʼcu, cabiʼno ximod cayac cumplirni. Ló xtzúno Jesús nac toib Rey ni nap galnadip. Mápa mer gonybu gan guirá xi enemigbu né gonybu que ló Gudxlio reʼ gac xinésni (Rev 6:2).
¿Ximod ma góc nadip fe xtunylo ni cabiʼlo cayac cumplir profecías ni sieed ló la Biblia?
