Galnadxiʼ ronyni que buñ guiguaʼ toibsi lainy famil. Pal diti noʼ galnadxiʼ, famil diti labúu saguaʼyibu toibsi nili sacró. Buñ ni ma noʼ tzeʼel né buñ ni ma noʼ xiin, ¿ximod labúu guislooyibu galnadxiʼ lainy xfamilyibu?

Buñguieeu ni randxiʼdot tzeʼel, sacábu cuidad xi caquiin tzeelbu, xi rony pensary né xi rasac tzeelbu (Ef 5:28, 29). Sadudybu ni caquiin xfamilbu, en sentido físico né en sentido espiritual, xomod órni rony adoraryibu Dios toibsi né xfamilbu (1Ti 5:8). Buñgonaʼ ni ma noʼ tzeʼel non guisobbu né gapbu «xiroʼ respet tzeelbu» (Ef 5:22, 33; 1Pe 3:1-6). Guiropcayibu non guitudyibu scásiʼ xcalkié saʼyibu (Ef 4:32). Buñ ni nadxiʼdot xiin ranyibu tigaaga xiinyibu né rasuidyibu xiinyibu ni ná Jehová (Dt 6:6, 7; Ef 6:4). ¿Xí galnagan racaló xiinto lainy yolayscuel? ¿Xí ronyibu órni ratzaldaʼ mbiox layibu? Pal noʼ galnadxiʼ lainy famil, guiráyibu sasacyibu sacró.

ÓRNI MA BIBIʼLO VIDEO NI LAA, GUISLOOYNO XFAMILNO GALNADXIʼ NI DIPA RADUDY XTZÚ, CUAPY GUIRÁ GALRRANABDIITZ REʼ:

• ¿Ximod randxiʼdot buñguieeu tzeʼel?

• ¿Ximod raslooy buñgonaʼ xiroʼ respet tzeʼel?

• ¿Ximod rony buñ xtem par guisuidy xiin ni ná Dios?