Nacno buñ galkié, por ngú guirá ór non gonyno rutirigaʼlni lóono par gony mandaryno ni raniiny gonyno. Pal diti ronyno xitcal, labúu nasianno Jehová. Tipnés buñ más rioʼyibu galrrasaʼ por gapyibu toib yoʼ, galrro o lairy xalagary tzoʼyibu galrrasaʼ por galnadxiʼ ni napyibu Dios. Stipnés rony galyoxh né diti rasobyibu ni rony mandary Jehová (Ro 1:26, 27). Né láaca noʼ ni rasob ni ná stipnés portín raniiny guiaʼanyibu sacró né guirá buñreʼ (Éx 23:2).

¿Ximod labúu gony mandaryno ni raniiny gonyno? Gonyno rutirigaʼlni lóono par tzodieʼno gonyno xchiin Jehová (Mt 4:4). Láaca guinabno Jehová gacné lóono par gony mandaryno ni raniiny gonyno. ¿Xigony? Portín nanbu xi láani más galán par lóono né xi láani ngú ni caquiinno (Sl 145:16).

ÓRNI MA BIBIʼLO VIDEO NI LAA, DITI GUISTOʼBYLO LOOYCA, CUAPY GUIRÁ GALRRANABDIITZ REʼ:

• ¿Xigony ragob tipnés buñ?

• ¿Xí labúu nasaclono pal nagobno?

• ¿Xigony mal cob buñ? (2Co 7:1).

• ¿Ximod labúu cueʼlo tiplad guirá vis mal reʼ o guisianlo láani?