Laʼga cabigax dzú ni ma guinitló gudxliogoxreʼ, sioʼ más desgrasy galrradíil, terrorismo né guerr (Ap 6:4). ¿Xí labúu gonyno pal raniiny lóono tzoʼno puext par guicalóno guirá galnagan reʼ?

• Goyoʼ puext en sentido espiritual. Buny pensary ló principios né historias ni sieed ló la Biblia ni gony nadip confianz ni naplo lóo Jehová né ni gacné looy par guisagaʼ galaylo (Pr 12:5; jr-S págs. 125, 126 párrs. 23, 24). Nigoreʼ ór par guidzaklo herman ni nadip xfe lainy congregación (1Pe 4:7, 8).

• Goloʼ puext guirá ni guiquiinlo. Buny por gaplo xiroʼ galrro né buny pensary xi láani gonylo pal diti labúu rareʼlo lidxlo. Buny pensary xi labúu gonylo par labúu tzeelo stoib lagary. Bibiʼ xi láani naplo lainy xomochilo né diti guialadxlo coʼlo bidxiich lainycu né equipo de protección xomod mascarillas, guantes né stipnés cós. Gop número de teléfono xtuny ancianos né láaca gon que gapyibu número xtunylo (Is 32:2; g17.5-S págs. 3-7).

Órni noʼ galrradíil, diti guisianlo gonylo xchiin Jehová (Flp 1:10). Diti cuenunysi guireʼlo (Mt 10:16). Pal labúuni, bidudy ni naplo a stipnés (Ro 12:13).

ÓRNI MA BIBIʼLO VIDEO NI LAA, ¿NOʼLO PUEXT PAR TOIB DESGRASY LA?, CUAPY GUIRÁ GALRRANABDIITZ REʼ:

• ¿Ximod labúu gacné Jehová lóono órni guicalóno toib desgrasy?

• ¿Xí labúu gonyno par tzoʼno puext?

• ¿Ximod labúu gacnéno stipnés?