MOD NON GUIBANYNO
Bibiʼ looy xomod rabiʼ Jehová looy
«Jehová noʼ nakit né xcudx» (Sl 149:4). Ná nacno buñ galkié rabiʼbu cós tzaay ni napno né dxiin ni labúu gonyno. Per rioʼ ór, rasac naganno guibiʼno lóocano xomod rabiʼ Jehová lóono. Pentzi por mod rabiʼ stipnés lóono o por cós mal ni bunyno ló dzú ni see labúu gonyno pensary que diti noʼ pu raquiinno o que diti non gonladx Jehová lóono. Pal ma gosaclo modreʼ, ¿xí labúu gacné looy?
Bisetnaladx, Jehová diti rabiʼ xomod rabiʼ buñgudxlio (1Sa 16:7). Órni rabiʼbu, rabiʼbu cós ni diti labúu rabiʼno. Né xcalrracné la Biblia labúu guidudyno cuent xi láani ngú ni rabiʼ Jehová. Pal roʼolo tipnés versículos né historias, sienlo balaati ronladx Jehová xpiin.
ÓRNI MA BIBIʼLO VIDEO NI LAA, GOCNÉ XCALNABANYLO GUISAC SACRÓ, CUAPY GUIRÁ GALRRANABDIITZ REʼ:
-
¿Xí rasuidyno de Jehová ló ejemplo xtuny toib mbioxhlas ni caxony né riab?
-
Pal noʼ ni ma buny toib galkié rodann né ma góc arrepentirbu, ¿xí labúu gonybu par guisac xcalnabanybu sacró nisló Dios? (1Jn 3:19, 20).
-
¿Ximod gocnéni hermano reʼ órni bíilbu né bunybu pensary ló ni gosaclóo David né Jehosafat?
