MOD NON GUIBANYNO
Xí labúu gonyno par gonyno xchiin Dios más galán: Goniʼ xtiitz Dios por teléfono
XIGONY RASACNI: Órni ranino xtiitz Dios por teléfono nacni toib mod galán par guinino diitz sacró ni sieed de Dios tibrodiguieʼ (Hch 20:24). * Modreʼ labúu guininéno buñ ni diti noʼ rioʼ órni radudyno.
XIMOD GONYNO LÁANI:
-
Goyoʼ puext. Golú toib tema sacró. De ngú ló chop tzón roʼ bicaʼ ló guiich ni nainy guiniʼlo. Láaca labúu gonylo pensary xi guiniʼlo pal raxelni looy ló buzón. Labúu guicuaʼlo lo mexh cós ni guiquiinlo, xomod toib teléfono o tableta ro ma bixalo JW Library® o jw.org®.
-
Diti guidzuibylo. Goniʼ suusi nabiʼlo láabu. Bixiichyen né buny suusi nasagaʼlo nislóbu. Diti guisagadzulo ro diti non gonylo láani. Labúu gony compañer stoib herman looy. Pal buñ ni caninélo ranabdiitz toib cós looy, goniʼ láani stoib par guicadiag xcompañerlo né modcu sacnébu looy cuéxato galrranabdiitzcu.
-
Buny toib galrranabdiitz par gooyto diitz stoib ór. Pal nárabu ganbu más, buny toib galrranabdiitz ni labúu guicapylo órni guininélo láabu stoib ór. Labúu guisetlalo ni ná toib revista né gaibylo láabu que labúu guixelo láani por correo, por Internet o gonycuentlo láani ladxñabu. Láaca labúu guixelo toib video o artículo por mensaj o correo electrónico. Pal labúu gonylo láani, góoch láabu tzoʼbu ló página xtunyno ni napno ló Internet.
^ Párrafo. 3 Pal lagary ro rabéslo labúu guiniʼ buñ xtiitz Dios por teléfono, cuá cuidad que casoblo ni ranab xiley buñchiin que diti cuenunysi guiquiin buñ número de teléfono o laa toib buñ.
