NI NON GONYNO LÓ REUNIÓN Octubre de 2016
Ximod labúu guininéno buñ
Ximod labúu guikiʼsno revista ¡Despertad!, invitación par reunión né ximod labúu guiquiinno la Biblia órni gaibyno buñ xi rac órni raityno. Bisuʼ mod sieed reʼ par labúu guicaʼlo mod nainy guininélo buñ.
CÓS NI RASAC NI SIEED LÓ LA BIBLIA
«Gop confianz lóo Jehová né guidopy xcalnabanylo»
Proverbios capítulo tzón, raiby lóono que pal napno confianz lóo Jehová labúu sasiabbu xcalnasácbu ronoʼno. ¿Ximod labúu ganlo pal nigolú naplo confianz lóo Jehová né guidopy xcalnabanylo?
CÓS NI RASAC NI SIEED LÓ LA BIBLIA
Diti guiduidyno lagary que xcalnabanyno guinásni niis toib lad
Proverbios capítulo 7 rasetlani toib mbioxhlas ni rony galkié portín xcalnabanybu ma diti ná guisob xilitz Jehová. ¿Xí rasuidyno de láabu?
CÓS NI RASAC NI SIEED LÓ LA BIBLIA
Galnann más rasacni que or
Proverbios capítulo 16 ná que galnann más rasacni que or. ¿Xigony más rasac xcalnan Jehová?
MOD NON GUIBANYNO
¿Ximod guicapyno galán ló reunión?
Órni racapyno galán ló reunión rony nadipni xfeno né xfe herman. ¿Xí raquiin gonyno par guicapyno galán?
CÓS NI RASAC NI SIEED LÓ LA BIBLIA
Gonyno por guiguaʼno goxt né buñ
Xcudx Jehová rony xtem por guiguaʼ goxt né buñ. Labúu guiquiinno la Biblia par diti ni maca guidzuitzno né modreʼ guiguaʼno goxt né xhermanno.
CÓS NI RASAC NI SIEED LÓ LA BIBLIA
«Bisniʼs mbioxhlas ló néz par saabu loni»
¿Xigony raquiin guilitz buñ xiin par gacyibu mbiox tzaay? Proverbios capítulo 22 sitné xidal litz galán par buñ ni ma noʼ xiin.
MOD NON GUIBANYNO
¿Caquiinlo tarjetas de contacto xtuny jw.org la?
Ortísi biquiin tarjeta de contacto xtuny jw.org par gan buñ ni ná Xtiitz Dios né guimbuyibu lagary ni napno ló Internet.
