Nigolú raquiin guiobno guinino xtiitz Dios, portín xtzú rodann Jehová mápa mer guidxinni (Pr 24:11, 12, 20). Toibtica mod ni labúu gacnéno buñ ngú guiquiinno tarjetas de contacto, guiichen reʼ raxelni buñ goʼol Xtiitz Dios né raxelni buñ tzoʼ ló página ni napno ló Internet. Láaca napni toib código ni raxel buñ ronoʼ video ni laa, ¿Xigony guisuidyno la Biblia? né láaca raruʼni buñ guinabyibu ni guisuidy layibu ni ná la Biblia. Noʼ buñ ni diti ná goʼol guiich ni rakiʼsno, per rioladxyibu tzoʼyibu ló jw.org. Pal scú láani, diti guiatzladxlo guiduidylo tarjeta reʼ láabu. Per diti guiduidylo láani buñ ni diti rioladx guicadiag lóono.

Laʼga soono mandad o cayonyno dxiin, labúu gaibyno buñ scareʼ: «Nainy naʼ guidudi tarjeta reʼ looy. Loni sieed toib página ni napdo ló Internet né cú sieed xidal temas né videos ni labúu guilitlo né guibiʼlo» (Jn 4:7). Tarjeta reʼ mitienni por ngú labúu tzanélo láani lainy xpoxhlo rotísi tzeelo par guiduidylo láani buñ.