¿Xí cualidades raniiny looy gap ximiglo? Sigory racladxlo dipa guisiambu looy, gacbu buñtzay né guidudybu ni napbu. Scá nac Jehová (Éx 34:6; Hch 14:17). Láabu racadiagbu órni raninélo láabu né guirá ór racnébu looy órni caquiinlo láani (Sl 18:19, 35). Né láaca, ratudybu scásiʼ xcalkiélo órni rachélo (1Jn 1:9). ¡Jehová nac ximigdxinno!

¿Xí raquiin gonylo par gaclo ximig Jehová? Bíil la Biblia par guimbulo láabu né gop confianz láabu (Sl 62:8; 142:2). Bislooy láabu que ni rasac par láabu láaca rasacni par looy, xomod Xiimbu, Gobierno xtunybu né ni gonybu ló dzú ni sietra. Góoch a stipnés buñ ni nanlo de Jehová (Dt 32:3). Pal raclo ximigdxin Jehová, sacnébu looy guirá ór (Sl 73:25, 26, 28).

ÓRNI MA BIBIʼLO VIDEO NI LAA, MBIOXHLAS: «COLGONY PRUEBY NÉ COLGUIBIʼ QUE JEHOVÁ NATZAAYBU», CUAPY GALRRANABDIITZ REʼ:

• ¿Xí raquiin gonylo par tzoʼlo puext gac dedicarlo Jehová né tzonislo?

• ¿Ximod labúu gacné herman looy par gonylo xchiin Jehová más galán?

• ¿Xigony pal raniʼlo xtiitz Dios sacnéni looy guidzaklo más Jehová?

• ¿Xí más labúu gonylo lainy xcudx Jehová?

• ¿Xí láani más rioladxlo de Jehová?