Lóono ni nacno testigos xtuny Jehová ni ma góc dedicar né ni ma goyonis, nigolú rasac par lóono guidzakno Jehová, ni rony mandary guibá né Gudxlio. Dios raquiimbu Xiimbu par labúu guibigaxno né guicadiagbu oración xtunyno (Sl 34:15; Jn 6:44).

¿Ximod labúu ganpano lóono par diti galsitno de Jehová? Por ejemplo, diti gonyno cós mal ni buny israelitas. Diti xidzú de goló bunyibu acuerdo né Jehová, bisaʼyibu toib dioxh de or né bienyibu dioxhcu (Éx 32:7, 8; 1Co 10:7, 11, 14). Guinabdiitzno lóocano: «¿Xí roni órni noʼ riesga guiaba ló cós mal? ¿Raslooya que nigolú rasac par naʼ guidzaʼga Jehová la?». Galnadxiʼ ni rasacno por Bixiosno ni noʼ guibá sacné lóono galsitno de cós ni diti rioladxbu (Sl 97:10).

ÓRNI MA BIBIʼLO VIDEO NI LAA, GANPANO LÓONO PAR DITI GALSITNO DE JEHOVÁ (COL 3:5), CUAPY GALRRANABDIITZ REʼ:

• ¿Xí láani ngú galrrasobladx?

• ¿Xigony diti guisobladxno né diti guiabno ló idolatría?

• ¿Xigony galyoxh né idolatría toibsi midid láani?

• ¿Xigony ni nap privilegios lainy congregación diti non guialadxbu guidudybu ni caquiin tzeelbu?