Órni soʼno yoʼ por yoʼ né rareʼ toib mbiox par guicacuent lóono, non guinabdiitzno láabu pal noʼ bixiosbu o xinaʼbu, portín modreʼ raslooyno respet xcalmandary bixiosbu (Pr 6:20). Pal mbiox cú raruʼ lóono tzoʼno lanioʼ, diti non gonyno láani. Pal diti noʼ nalat bixiosbu o xinaʼbu, guibiguetno stoib ór.

Ná pal ma toib mbioxhlasien láabu, más galán guinabdiitzno por bixiosbu o xinaʼbu. Pal diti noʼ nalat bixiosbu, guinabdiitzno láabu pal bixiosbu raduidy lagary goʼolbu tipnés guiich ni sanéno. Pal scú láani, labúu guisianéno toibtica guiich ni napno o guixelno láabu ló jw.org.

Órni tzáguenno toib mbioxhlasien ni naara guisuidy más, gaibyno láabu que raniiny guimbuno bixiosbu o xinaʼbu. Modreʼ, labúu gaibyno bixiosbu xigony rioʼno lidxbu né cuéxano ximod la Biblia sitné galán litz par family (Sl 119:86, 138). Pal rapno respet bixios mbiox, ngú sony que guiniʼyibu galán de xcudx Jehová né dada labúu sasuidyno layibu stoib ór (1Pe 2:12).