Xomodca rony entrenar toib buñ ni rony ejersis, lóono láaca non gonyno xtem par gony entrenarno xcalrrienno (Heb 5:14). Ná más naguel rasuʼno ni rony stipnés, non gony entrenarno xcalrrienno né lóocano raquiin ganno xi láani gonyno. ¿Xigony? Portín tigaagano non gonycuentno nisló Dios ni cayonyno (Ro 14:12).

Diti gonyno pensary que por ni ma sanéno xidal íz de goló goyonisno, labúu gonyno xinésni guirá ór. Par labúu gonyno xinésni, raquiin gapno confianz lóo Jehová, ló Xtiitzbu né ló xcudxbu (Jos 1:7, 8; Pr 3:5, 6; Mt 24:45).

ÓRNI MA BIBIʼLO VIDEO NI LAA «COLGAP TOIB GALRRIEN NAYAA», CUAPY GUIRÁ GALRRANABDIITZ NI SIEED REʼ:

• ¿Xí galnagan cualó Emma?

• ¿Xigony diti raquiin guinino xí non gony stipnés?

• ¿Xí consej bidudy toib galtzeʼel a Emma?

• ¿Pu lagary bidzel Emma información ni caquiin?