Ló beʼo noviembre, gonyno rutirigaʼlni lóono gaibyno buñ que mápa mer guibanyno ló toib Gudxlio móz (Sl 37:10, 11; Ap 21:3-5). Gonyno por cueʼno tiemp par gonyno rutirigaʼlni lóono guinino xtiitz Dios ló campaña reʼ. Herman ni gac precursor auxiliar ló beʼo cú labúu gonycuentbu 30 o 50 ór.

Ló campaña reʼ, buny rutirigaʼlni looy goʼolo toib texto ro ritlaa de Gudxlio móz a guiránac buñ. Órni guiyopylo xi texto goʼolo bisetnaladx xi láani rioladx gan buñ ló territorio xtunylo. Pal toib buñ nára gan más primer buelt ni cayooylo diitz né láabu, bunycuent láabu toib Guiich ni caniʼ número 2 íz 2021 (par guirá buñ). Diti gaclalo, goyguenca láabu né buny por guisuidylo láabu ló follet ni laa, Bibany goxtiguie ¡Nigolú rabaladxno ni nodieʼno canino «diitz sacró de galnasác»! (Is 52:7).

ÓRNI MA BIBIʼLO VIDEO MUSICAL NI LAA, LABÚU SABANYNO GOXT, CUAPY GUIRÁ GALRRANABDIITZ REʼ:

• ¿Xí cós sacróyen ni gac ló dzú ni sietra rieed ló xpensary nidxigonaʼyen reʼ?

• ¿Xí cós ni gac ló Gudxlio móz ma nainy looy guibiʼlo?

• ¿Xigony pal ronylo pensary ni gac ló Gudxlio móz sacnéni looy tzodieʼlo ló campaña beʼo noviembre? (Lu 6:45).