MOD NON GUIBANYNO
Lóoto ni ma noʼ xiin, xiinto labúu gac buñ ni naní xcalrrien
Toib mod galán ni labúu gacnéto xiinto par gac buñ ni naní xcalrrien nisló Dios, láani ngú, gacnéto layibu guientzaayibu guirá ni radudy ló reunión. Ni rabiʼyibu, ni racadiagyibu, né ni rony comentaryibu ló reunión, labúu gacnéni layibu guisuidyibu más de Jehová né gacyibu ximigbu (Dt 31:12, 13). Per, ¿ximod labúu gacnélo xiinlo par guientzaaybu guirá ni radudy ló reunión?
-
Buny dada rutirigaʼlni looy par tzeelo reunión guirá xomal lainy Salón (Sl 22:22).
-
Cuá cuidad que xiinlo guidzak herman lainy Salón del Reino antes de saló reunión o órni ma biloxni (Heb 10:25).
-
Gon que tigaaga xfamilo gap publicaciones ni casuidyno ló reunión, ló guiich o ló teléfono.
-
Gocné xiinlo guisuidy xquiich né gony comentar ló reunión ló xtiitzcabu (Mt 21:15, 16).
-
Goniʼ sacró de reunión né ni rasuidylo loni.
-
Gocné xiinlo par guisiáyibu lainy Salón né gooyibu diitz né herman golien.
Looy ni ma noʼ xiin, labúu guixacladxlo órni gonylo pensary ló guirá dxiin ni raguiña gacnélo xiinlo guibigax ronoʼ Jehová. Per bisetnaladx que diti noʼlo toiblo, Jehová sacné looy (Is 40:29).
ÓRNI MA BIBIʼLO VIDEO NI LAA, NI MA NOʼ XIIN, COLGAP CONFIANZ QUE JEHOVÁ SADUDY FUERS NI CAQUIINTO, CUAPY GUIRÁ GALRRANABDIITZ NI SIEED REʼ:
-
¿Xí láani buny galrradzag a Miguel né Lidia?
-
¿Xigony guirá ni ma noʼ xiin non guinabyibu Jehová guidudy fuers layibu?
-
¿Xí láani buny Miguel né Lidia par biyopyibu xcalrracné Jehová?
