Después de íz 4026 A.X.

«Beʼel» raniʼ que Jehová diti napbu derech de gony mandarybu né diti cayonybu láani xinésni. Jehová raduidy xtiitz que «xiim[bu]», satach guic beʼel ni nac Buñdzab (Génesis 3:1-5, 15). Per por tidxósi tiemp raduidybu lagary que buñgudxlio gony mandary saʼ né xcalrracné Buñdzab.

Íz 1943 A.X.

Jehová raduidy xtiitz a Abrahán que de toibtica xiin Abrahán sieed «xiin[bu]» ni biduidybu xtiitzbu guieed (Génesis 22:18).

Después de íz 1070 A.X.

Jehová raibybu David, né raibybu láani a Salomón xiin David, que «xiin[bu]» ni goniʼbu guieed, sareʼ de xfamily biinreʼ (2 Samuel 7:12, 16; 1 Reyes 9:3-5; Isaías 9:6, 7).

Íz 29 L.X.

Jehová rabexa que Jesús ngú «xiin[bu]» ni goniʼbu guieed ni non cú ló trono xtuny David (Gálatas 3:16; Lucas 1:31-33; 3:21, 22).

 Íz 33 L.X.

Buñdzab ni nac «beʼel» rony que ragaityibu Jesús, né ronynabu «xiin» Dios, ni non guieed. Jehová ralís Jesús lad gueʼet, radxiguetbu Jesús lainy guibá né racacuentbu midid rasac vida xtuny Jesús ni diti nap galkié. Por ni cuacuentbu láani, labúu bituidybu xcalkié buñgudxlio scásiʼ né modreʼ guirá xiin Adán labúu guibany tipzó (Génesis 3:15; Hechos 2:32-36; 1 Corintios 15:21, 22).

Gahxca íz 1914 L.X.

Jesús rasalbu «beʼel» ló Gudxlio né rony lafuersbu Buñdzab tzoʼ ló Gudxlio por tidxósi tiemp (Revelación 12:7-9, 12).

Dzú ni sietraʼ

Jesús rasiegbu Buñdzab por tipmil íz né por último ranitlóbu Buñdzab. Modreʼ nacni suusi natachbu guic Buñdzab. Órcura rarebuʼ mod ni goniiny Jehová nirdiguié gac ló Gudxlio né ni gac né buñgudxlio. Né ór cú laa Dios rac nayaditni, né láaca riendxich que mod rony mandarybu nacni más galán (Revelación 20:1-3, 10; 21:3, 4).