Par buñ ni ma noʼ xiin

¿Xí láani más rasac guiscadto xiinnto? Xiinnto raquiin xidal cós, raquiin gandxiʼto, conésto né ganto layibu. Per de guirá ndeʼ, ni más rasac gonyto ngú guisuidyto layibu xcalnan Jehová né guisuidyto layibu ni ná la Biblia (Juan 17:3). Galnann cú sacné layibu gandxiʼyibu né guisobyibu Jehová né guidopy xcalnabanyibu, ná niyeʼensayibu (Mateo 21:16).

Xidal buñ ni ma noʼ xiin ma biduidy cuent que mbioxien rasuidy más naguel órni buñ raquiin chop tzónsi diitz par guisuidy layibu né órni noʼ dxiiñen ni ronyibu toibsi. Por ngú, nigolú rabaladxdo gonycuentdo follet reʼ lóoto ni laa, Ni rasuidy la Biblia naʼ. Folletien reʼ nayadit goyaʼni par diti guisac nagan buñ guisuidy xiin. Dibuj né letras ni napni goyaʼni par que mbioxien ni nap tzón íz o ni más niyeʼensa labúu guieen láani. Láaca sitnéni stipnés dxiiñen ni labúu gonyto né xiinnto. Follet reʼ diti noʼni par kit mbiox láani. Xalagary ngú, noʼni par goʼolto láani toibsi né xiinnto né modreʼ guisuidyto gooyto diitz.

Nantzaydo que follet reʼ sacnéni lóoto guisuidyto ximbioxto ni ná la Biblia ná niyeʼensayibu (2 Timoteo 3:14, 16).

Xhermanto,

Tidxó Buñ ni nap xiroʼ Galnann ni Rasanir nisló testigos xtuny Jehová

[Dibuj ni sieed ló página 3]