¿Chú láabu ngú Buñdzab?
Lesiony 4
¿Chú láabu ngú Buñdzab?
Buñdzab, ¿ximod bieedbu? (1, 2)
¿Ximod rascúbu buñ? (3-7)
¿Xigony guicalolo Buñdzab? (7)
1. Diitz «buñdzab» rarexani, toib ni raniʼ pór garascu de stipnés buñ, enemig o ni racaló. Né diitz reʼ rimbuno ni nac enemig xtuny Dios. Buñdzab nír gócbu toib xiin Dios ni diti gop galkié ni bibany né Dios lainy guibá, né diti xidzú bisobladxbu guieen buñ láabu, ni non guicaʼ Dios (Mateo 4:8-10).
2. Buñdzab biquiimbu toib beʼel par goniné Eva, né ni biscúbu Eva buny que diti bisobbu Dios. Né mod reʼ Buñdzab cualó né goní, Dios diti nap «derech de gony mandary». Láaca biscúbu buñ par diti guiluladx que Dios nann ximod gony mandary guirácano. Né biduidybu diitz que ni toib buñ gony ni ná Jehová. Ni bunybu mod reʼ, gócbu enemig xtuny Dios. Por ngú laabu Buñdzab (Génesis 3:1-5; Job 1:8-11; Revelación 12:9).
3. Buñdzab rony por guiscú par guieen buñ láabu (2 Corintios 11:3, 14). Toib mod ni ronybu láani raquiimbu religión ni diti rasuidy xinésni. Pal toib religión rasuidy pór garascu de Dios, mod reʼ rienni que cayonybu ni rioladx Buñdzab (Juan 8:44). Guirá buñ ni rony ni rasuidy religión ni diti rony xinésni, rony pensary que cayenbu Dios ni rasuidy xinésni, per diti scú láani, Buñdzab cayenbu ni rony «mandary Gudxliogoxreʼ» (2 Corintios 4:4).
4. Galbruj né galchiser ngú stoib cós ni raquiin Buñdzab par guiscubu buñ. Noʼ buñ raniné espíritu par gann láabu, gonybu mal stipnés, par ganbu xi guisaclobu né par gonybu cós ni radziguiaʼ buñ. Buñdzab ngú ni rony láani. Pal nainy lóono guibaladx Dios, diti gacno buñ bruj, buñ chiser né tzóno ro noyibu (Deuteronomio 18:10-12; Hechos 19:18, 19).
5. Buñdzab láaca rascúbu né ronybu que buñ guianladx stipnés clas buñ, né guiembu buñchiin ni rony Hechos 10:34, 35). Láaca noʼ stipnés buñ ni raluladx que buñchiin ni cayony mandary guinitlo guirá galnagan ni caduidyno lo. Né mod reʼ rabébu Gobierno xtuny Dios tiplad ni cué guirá cós mal ni noʼ ló gudxlio (Daniel 2:44).
mandary dzú reʼ. Noʼ buñ raluladx que xcudxbu o xhomilbu rasac que stipnés. Nga diti nigolú (6. Stoib mod ni rascú Buñdzab, que buñ labúu gony guirá cós mal ni noʼ lainy xcalnabany. Jehová raby lóono diti gonyno cós yox portín ndeʼ sonyni mal lóono (Gálatas 6:7, 8). Sioʼ buñ gaiby looy gonylo láani. Bisednaladx Buñdzab rachiin looy gonylo láani (1 Corintios 6:9, 10; 15:33).
7. Buñdzab rioʼ ór raquiimbu buñ par guicaló lóono par guisianno Jehová. Pentzi láaca noʼ xhomil lo ni radzuitz looy portín cayol lo Biblia. Sigory noʼ stipnés ni rony borla looy. ¿Chú láabu nasaibylo ni looy nabanylo? Buñdzab ná guitzuiby looy par diti guisuidylo ni ná Jehová. Diti guiduidyloʼ lagary Buñdzab gony gann looy (Mateo 10:34-39; 1 Pedro 5:8, 9). Pal looy racalólo Buñdzab, Jehová sabaladx né saduidylo diitz que Láabu ngú non gony mandary (Proverbios 27:11).
[Dibuj ni sieed ló página 9]
Religión ni diti rasuidy xinésni, galchiser galbruj né galrrianladx a stipnés clas de buñ, ndeʼ raquiin Buñdzab par guiscubu buñ
[Dibuj ni sieed ló página 9]
Bisuidy ni ná Jehová ór cú labúu guicalolo Buñdzab