Lesiony 9

Guirá ni rony ni ná Dios gacbu nayaa

¿Xigony raquiin gacno nayaa de guirá cós ni gonyno? (1)

¿Ximod gacno nayaa órni guienno Dios? (2)

¿Né ximod gacno nayaa par diti gonyno cós yox? (3)

¿Né ximod xcalrrienno gac nayaa? (4)

¿Ximod gacno buñ nayaa? (5)

¿Xi clas diitz yox diti non guinino? (6)

1. Jehová nac toib Dios nayaa né diti nap galkié. Láabu rabés que ni rien láabu gac nayaa, diti gonybu cós yox, gac nayaa xcalrriembu né láabu láaca gac buñ nayaa (1 Pedro 1:16). Gonyno tem par gacno buñ nayaa nisló Dios. Rabésno ló toib gudxlio yox. Né láaca ni nacno buñ galkié nagann par gonyno xinésni. Diti por ngú guidzagno.

2. Gacno nayaa órni guienno Dios: Pal nainy lóono gonyno xchiin Jehová, diti gonyno cós ni rony religión ni diti rasuidy xinésni. Non guiréno lad religión ni diti rasuidy xinésni né diti gacnéno guirá ni ronyibu (2 Corintios 6:14-18; Revelación 18:4). Órni lóono ma bisuidyno xinés Dios, raquiin guicann cuidad guirá ni rasuidy pór garascu (2 Juan 10, 11).

3. Gacno nayaa par diti gonyno cós yox: Jehová ná, ni rien láabu gony xinésni xomod toib ni racanal Jesús  guirá ór (1 Pedro 2:12). Láabu rabíbu guirá ni ronyno, né láaca ni ronyno nagach (Hebreos 4:13). Diti gonyno galyoxh né cós yox ni buñ rony ló gudxlio reʼ (1 Corintios 6:9-11).

4. Xcalrrienno gac nayaa: Pal ragoʼno lo xcalrrienno pensary nayaa, ni gonyno láaca gac pór cós nayaa (Filipenses 4:8). Pal ronyno pensary guirá ór pór cós yox, sadxin ór sonyno cós mal (Mateo 15:18-20). Ná noʼ cós ni rony guiguano nakit, raquiin cuéno tiplad ni labúu gony mal xcalrrienno. Pal rolno xtiitz Dios, sagoʼno lo xcalrrienno pór pensary nayaa.

5. Ximod gacno buñ nayaa: Lóono ni racanalno Jesús ronyno xcuent Dios, por ngú, raquiin gac nayaa laidyno né lairy ni guacno. Láaca guieer ñano órni ma goyoʼno baño, né órni guan guet o gonytzaayno galrro. Pal diti napnó toib baño né diti noʼ nís, gonytzaayno toib letrina par guiquiinno (Deuteronomio 23:12, 13). Pal buñ nayaa lóono sacno buñ nasac. Lidx guirá ni rasob ni ná Dios non gac nayaa né guienni sacró nislainy né nisfuer. Lagary ro rabésyibu non guiduidyni diitz que buñ nayaa layibu.

6. Diitz nayaa: Guirá ni rien Dios guinibu pór nigolú guirá ór. Ni raniʼ pór garascu diti sioʼ lainy Gobierno xtuny Dios (Efesios 4:25; Revelación 21:8). Guirá ni racanal Jesús diti raniʼ cós yox. Diti racadiag né raniʼ diitz yox. Ro ronybu dxiin né ro riebu scuel né ro rabésyibu guienni que pór diitz nayaa ranibu (Efesios 4:29, 31; 5:3).

[Dibuj ni sieed ló página 19]

Ni rony ni ná Dios gacbu nayaa lo guirá cós ni gonybu