Lesiony 16

Looy guinilo po ór ngú ma labúu gonylo xchiin Jehová

¿Xí labúu gonylo par gaclo ximig Dios? (1, 2)

¿Ximod guininélo Jehová, né gaipylo láabu que ma nainy looy gonylo xchiimbu? (1)

¿Po ór ngú ma labúu tzonislo? (2)

¿Ximod labúu gony guantarylo par gonylo ni ná Dios? (3)

1. Par gacno ximig Dios, napnó xí guimbu tzaayno xtiitzbu (1 Timoteo 2:3, 4), non guiluladxlo guirá cós ni ma bienlo né gonylo láani (Hebreos 11:6), non guisetlo xcalkielo né ma diti gonylo láani stoib (Hechos 17:30, 31) né guisianlo guirá cós ni ma bunyloʼ (Hechos 3:19). Galnadxi ni naplo Dios ni ma bienlo por ni bisuidylo xtiitzbu, láani ngú guichiin looy ór nóolo toiblo guininélo Jehová, né gaipylo láabu que ma nainy looy gonylo xchiimbu (Mateo 16:24; 22:37).

2. Órni ma bisuidylo Xtiitz Dios né ma goninélo Jehová, né gochlo láabu que ma nainy looy gonylo xchiimbu, ór cú ma labúu tzonislo (Mateo 28:19, 20). Órni tzonislo xidal buñ sabiʼ looy, né scú sanyibu que ma goninélo Jehová, né ma nainy looy gonylo xchiimbu. Por ngú, nosi rionis ni ma nap íz par guinibu stip láabu que ma nainy láabu gonybu ni ná Dios. Órni toib buñ tzonis guidopy ladybu tzó lainy nís (Marcos 1:9, 10; Hechos 8:36). *

3. Órni ma goninélo Jehová, né gochlo láabu que ma nainy looy gonylo xchiimbu, Jehová ranab guibanylo mod ni looy ma gonilo gochlo láabu (Salmo 50:14; Eclesiastés 5:4, 5). Buñdzab sony par guisianlo gonylo ni ná Jehová (1 Pedro 5:8). Looy goyoʼ gax Dios né goniné láabu guirá dzú (Filipenses 4:6, 7). Bíil né bisuidy Biblia guirá dzú (Salmo 1:1-3). Bidzak né guirá xhermanlo (Hebreos 13:17). Pal ronylo guirá ndeʼ, ór cú labúu gony guantarylo par gonylo ni ná Dios. Labúu gonylo ni ranab Dios looy tipzó.

[Ñeʼ guiich]