Órni buñ rasuidy la Biblia nacni xomod órni riee buñ viaj. Per rioʼ ór naganni né sigory ranabdiitzlo pal labúu sasuidyralo láani. ¿Xigony rasac gony buñ xtem par guisuidy láani? ¿Xí sacné looy guisuidyralo láani ná cacalólo galnagan?

1. ¿Xigony rasac guisuidy buñ la Biblia?

«Xtiitz Dios nabanyni né napni galnadip» (Hebreos 4:12). La Biblia nacni toib libro ni rasac portín raibyni lóono ni rony pensary Dios né ni rasacbu por looy. Diti nosi sacnéni looy ganlo más, láaca sacnéni looy gonylo xinésni né gaplo toib esperanza ló dzú ni sietra. Né ni máspa, la Biblia sacnéni looy gaclo ximig Jehová. Órni casuidylo láani, cadudylo lagary que xcalnadip la Biblia gacnéni looy.

2. ¿Xigony raquiin guidudylo cuent que nigolú rasac ni rasuidy la Biblia?

Xcalrrasuidy la Biblia nacni xomod toib cós ni rasacgoluʼ. Por ngú la Biblia raiby lóono ndeʼ: «Gosiʼ galnigolú né dipa guitoʼlo láani» (Proverbios 23:23). Pal nanno que nigolú rasac xcalrrasuidy la Biblia sonyno xtem por guisuidyrano láani, ná cacalóno galnagan (bíil Proverbios 2:4, 5).

3. ¿Xí láani sony Jehová por looy par guisuidyralo?

Jehová bisaʼbu guirá ni noʼ, napbu xiroʼgolu galnadip né nacbu ximiglo, rimbutzaaybu looy né raniiny láabu gacnébu looy par guimbulo más láabu. Dios labúu sacné looy par gaplo gan guisuidylo né sadudybu galnadip looy par gonylo láani (bíil Filipenses 2:13). Por ngú, pal rioʼ ór caquiinlo galrracné par guisuidylo o par guisoblo ni casuidylo, láabu sacnébu looy. Né pal caquiinlo más galnadip par guicalólo tipnés galnagan o pal buñ radzuitz por ni casuidylo la Biblia, Jehová sadudy galnadip looy. Gonab xcalrracné Jehová par guisuidyralo la Biblia (1 Tesalonicenses 5:17).

 NANOY GUISUIDYNO LÁANI

4. Ni más guisac par looy ngú guisuidylo la Biblia

Rioʼ ór nogoluʼ xchiinno né rasacnaganno cueʼno tiemp par guisuidyno la Biblia. ¿Xí labúu gonyno? Colgoʼol Filipenses 1:10 né colgooy xtiitzni:

• Looy xi nálo, ¿«xí ngú ni más rasac»?

• ¿Xí labúu gonylo par guisuidylo más ni ná la Biblia?

1. Pal rastzalo toib cubet de yohx né de ngú ragoʼlo xidal guiee loni, guieecu ma diti sioʼni.

2. Per, pal primer ragoʼlo guiee, sioʼ xiroʼ lagary par coʼlo casi guirá yohxcu. Modcuca, pal ronylo por gonylo cós «ni más rasac», labúu gonylo láani né láaca saplo más tiemp par gonylo stipnés cós.

Órni rasuidyno la Biblia racnéni lóono guimbuno Dios né gony adorarno láabu. Colgoʼol Mateo 5:3 né colgooy xtiitzni:

• Pal rasac par lóono guisuidyno la Biblia, ¿ximod sacnéni lóono?

 5. Diti guireʼganlo ná noʼ ni ná guicaa looy

6. Gop confianz que Jehová sacné looy

 ¿XÍ BISUIDYLO?

Ná rasac nagan buñ guisuidy la Biblia, sacnéni looy guioladxlo guibanylo tipzó. Pal raplo confianz lóo Jehová láabu sadudybu galnasác looy.

Repas

• ¿Xigony rasac xcalrrasuidy la Biblia par looy?

• Órni ma nanlo «xi láani ngú ni más rasac», ¿xí láani non gonylo?

• ¿Xigony non guinablo lóo Jehová par guisuidyralo la Biblia?