LESIONY 25
¿Xí raniiny Dios guidudy lóono?
La Biblia ná que «buñgudxlio nabany chop tzón govitzsi ló gudxlio né racaló bisaʼsi clas galnagan» (Job 14:1). Per ¿scá raniiny Dios guibanyno la? Pal diti scú nacni, ¿xipa mod raniiny Dios guibanyno? ¿Sioʼ dzú sony cumplirbu láani la? Gon ximod racapy la Biblia galrranabdiitz reʼ.
1. ¿Ximod raniiny Dios guibanyno?
Jehová raniiny guibanyno sacróyen. Órni bisaʼbu Adán né Eva goloʼbu biinreʼ lainy toib lagary sacróyen ni góc laa: jardín de Edén. Né cú «Dios bidudy galnasác layibu, né Dios góoch layibu: Tzoʼ xidal xiinnto né guidalto, guistzato gudxlio né ganto guirá ni noʼ loni» (Génesis 1:28). Jehová goniiny que ñoʼ xiinyibu, né ñonyibu guidopy Gudxlio reʼ toib lagary móz né ñanyibu guirá nimalien. Jehová goniiny que guiránac buñ diti naxoʼ né nabany tipzó.
Ná diti gocni scú, a Dios dipa ma bialadxbu ni ma goniʼbu (Isaías 46:10, 11). Raniiny láabu que guirá ni guisob ni nábu guibany sacróyen ló toib lagary móz (bíil Apocalipsis 21:3, 4).
2. ¿Ximod labúu guibanyno sacróyen nigoreʼ?
Jehová bisaʼbu lóono par guiyopyno xcalrracnébu, ndeʼ radudy diitz guimbuno né gony adorarno láabu (bíil Mateo 5:3-6). Dios raniiny guidzaktzayno láabu, «gonyno guirá ni ranabbu lóono» gandxiʼno né gonyno xchiimbu né guidopy xcalnabanyno (Deuteronomio 10:12; Salmo 25:14). Pal ronyno guirá ndeʼ, labúu guibaladxno ná cacalóno galnagan. Órni rony adorarno Jehová rabaladxno né radudyno cuent xi portín noʼno ló Gudxlio.
NANOY GUISUIDYNO LÁANI
Ganno balaati galnadxiʼ bislooy Jehová lóono órni bisaʼbu Gudxlio reʼ, né xi rasuidy la Biblia xigony noʼno ló Gudxlio.
3. Jehová raniiny que buñgudxlio guibany sacróyen
Colguibiʼ VIDEO reʼ né colgooy xtiitzni:
-
¿Xigony bisaʼ Dios Gudxlio?
Colgoʼol Eclesiastés 3:11 né colgooy xtiitzni:
-
¿Xí rasetlani de Jehová?
4. Jehová sony cumplir ni ma goniʼ
Colgoʼol Salmo 37:11, 29 né Isaías 55:11, né colgooy xtiitzni:
-
¿Ximod nanno que Jehová dipa ma bialadx ni goniʼ?
Toib yoʼ ni ma cayab labúu gac copyni stoib. Scúca sac né Gudxlio: buñ canitló láani, per Dios sony copy láani par guirá buñ ni nadxiʼ láabu.
5. Órni rony adorarno Jehová radudyno cuent xi portín noʼno ló Gudxlio
Ni ma nanno ndeʼ ronyni que guibaladxno. Colguibiʼ VIDEO reʼ né colgooy xtiitzni:
-
¿Ximod gocnéni Terumi órni gonbu xigony noʼbu ló Gudxlio?
Colgoʼol Eclesiastés 12:13 né colgooy xtiitzni:
-
Guirá ni ma buny Jehová por lóono, ¿ximod guislooyno que radudyno guixquix láabu?
TIPNÉS BUÑ RANABDIITZ: «¿Xigony noʼno ló Gudxlio?».
-
¿Xí nacapylo?
¿XÍ BISUIDYLO?
Jehová raniiny que guibanyno sacróyen por tipzó ló toib Gudxlio móz. Láaca ló naareʼ labúu rabanyno sacró órni rony adorarno Jehová né guidopy xcalnabanyno.
Repas
-
Órni Jehová bisaʼbu Adán né Eva, ¿ximod goniiny Jehová nabanyibu?
-
¿Ximod nanno que Jehová diti ma bialadxbu mod goniiny láabu nabany buñgudxlio?
-
¿Xí non gonylo par diti xilaʼsi guibanylo?
PAR GANLO MÁS
Gon xi prueby noʼ que lagary móz nigolú goyoʼni.
«Jardín de Edén, ¿nigolú goyoʼni la? (Guiich ni caniʼ, 1 de enero íz 2011)
Gon xigony nandxichno que Gudxlio reʼ diti sanitlóni.
Bíil xi ná la Biblia xigony noʼno ló Gudxlio.
«¿Xigony noʼno ló Gudxlio?» (Artículo ni sieed ló jw.org)
Gon ximod toib buñguieeu ni buny pensary que ma nap guiráni bidudybu cuent que noʼ ni cayac falt láabu.
a Ló stoib lesiony ni guisuidyno ganno xigony diti gocni scú.
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
