Primer galtzeʼel ni goyoʼ Adán né Eva diti bisobyibu Dios. Por ngú nacno buñ galkié, radudyno ló galrrioʼob né raityno. a Per napno esperanza. Jehová noʼ ni ma buny par labúu guilaano de galkié né galgoity, biquiimbu Xiimbu, Jesucristo. La Biblia ná que né xcalgoity Jesús godixbu ni buny Adán. Modreʼ labúu guilaa buñ de galgoity né de galkié. Né mod godixbu ni buny Adán, goitybu por lóono (bíil Mateo 20:28). Jesús stipláacabu goniiny ñaitybu xalagary nabanybu tipzó ló Gudxlio. Ni bunybu guirá ndeʼ bunyni que labúu guicaʼno guirá ni bisnit Adán né Eva. Modreʼ bislooybu que tanli Jehová né láabu nigolú ronladxyibu lóono. Lesiony reʼ sacnéni looy par guienlo que nigolú rasac xcalgoity Jesús.

1. ¿Ximod racné xcalgoity Jesús lóono ló naareʼ?

Nacno buñ galkié por ngú ronyno xidal cós ni diti rioladx Jehová. Per labúu gacno ximig Dios pal rac arrepentirno né guidopy xcalnabanyno né pal ranabno guitudy Jehová scásiʼ xcalkiéno ló laa Jesús. Láaca pal ronyno xtem par diti tzaguiabno ló galkié cuca stoib (1 Juan 2:1). La Biblia ná: «Cristo goity toibsi buelt por tipzó por xcalkiéto, goity toib buñ ni rony xinésni por buñ ni diti rony xinésni, par conésbu lóoto ronoʼ Dios» (1 Pedro 3:18).

2. ¿Ximod sacné xcalgoity Jesús lóono ló dzú ni sietra?

Jehová bixel xiin par ñaity «modreʼ guirá ni gap fe láabu diti guinitló né labúu guibany tipzó» (Juan 3:16). Por guirá ni buny Jesús, modreʼ labúu sabeʼ Jehová guirá cós mal ni cayac xtol xcalnayaʼ Adán. Ndeʼ radudy diitz pal rapno fe ló xcalgoity Jesús, labúu sabanyno sacróyen por tipzó ló Gudxlio órni ma nacni toib lagary móz (Isaías 65:21-23).

 NANOY GUISUIDYNO LÁANI

3. Xcalgoity Jesús ralaani lóono de galkié né de galgoity

1. Adán diti gop galkié, per órni bichébu nisló Dios ngú buny que lóono ñacno buñ galkié né ñaityno.

2. Jesús diti gop galkié, né bisobbu Dios, por ngú bixalbu néz par ma diti gacno buñ galkié né modreʼ labúu guibanyno tipzó.

4. Xcalgoity Jesús labúu gacnéni guiránac buñ

 5. Xcalgoity Jesús nacni toib galrrascad par looy

Ni nac ximig Jehová rabiʼbu xcalgoity Jesús xomod toib galrrascad. Guisuidyno toib ejemplo. Colgoʼol Gálatas 2:20 né colgooy xtiitzni:

• ¿Ximod bislooy apóstol Pablo que nigolú gosac xcalgoity Jesús par láabu?

Órni biché Adán, láabu né guirá xiimbu nadxin dzú ñaityibu. Per Jehová bixel Xiin ló Gudxlio par ñaity, modreʼ looy labúu gaplo oportunida par guibanylo tipzó.

Órni goʼolo guirá versículos reʼ, buny por gonylo pensary ximod gosac Jehová órni bibiʼbu Xiimbu cadudy ló galrrioʼob. Colgoʼol Juan 19:1-7 né 16-18, né colgooy xtiitzni:

• ¿Ximod rasaclo órni ronylo pensary ni buny Jehová né Jesús por looy?

 ¿XÍ BISUIDYLO?

Por xcalgoity Jesús, Jehová ratudy scásiʼ xcalkiéno né radudybu oportunida lóono guibanyno tipzó.

Repas

• ¿Xigony goity Jesús?

• ¿Xí buny Jesús par labúu godixbu guirá ni buny Adán?

• ¿Ximod racné xcalgoity Jesús looy?