LESIONY 28
Bislooy que nigolú rasac ni buny Jehová né Jesús por looy
¿Ximod rasaclo órni ximiglo radudy toib galrrascad sacróyen looy? Sigory nigolú rabaladxlo né nainy looy guislooylo ximiglo que nigolú rasacni par looy. Jehová né Jesús bidudyibu lóono toib galrrascad ni rasacgoluʼ: Jesús goity por lóono. Guisuidyno ximod labúu guislooyno que radudyno guixquix por láani.
1. ¿Ximod labúu guislooyno que rasac par lóono ni buny Jehová né Cristo por lóono?
La Biblia ná que guirá ni gap fe lóo Jesús labúu guibany tipzó (Juan 3:16). ¿Ximod raslooyno que napno fe lóo Jesús? Diti nosi gonyno crer lóo Jesús; láaca raslooyno láani por guirá ni ragoʼno guicno gonyno né guirá ni ronyno (Santiago 2:17). Órni rapno fe raslooyno láani mod ronyno né mod ranino, radzakno más Jesús né Bixiosbu, Jehová (bíil Juan 14:21).
2. ¿Pu dzú raslooyno que radudyno guixquix ni buny Jehová né Jesús por lóono?
Goxin ni ma gaitybu, Jesús bislooy stoib mod par guidudy xpiimbu guixquix por xcalgoitybu. Goniʼbu que gonyno lanii reʼ, né la Biblia rabeʼ laani «Cena del Señor» né láaca rimbuno láani xomod Memorial de xcalgoity Cristo (1 Corintios 11:20). Jesús bunybu láani par nasetnaladx xpiimbu xcalgoitybu, né ngúca rony cristianos ni rasuidy xinésni ló naareʼ. Órni Jesús bisetlabu de lanii reʼ, goniʼbu: «Colgony ndeʼ par guisetnaladxto naʼ» (Lucas 22:19). Órni rieelo Memorial, raslooylo que nigolú rasac galnadxiʼ ni bislooy Jehová né Jesús por lóono.
NANOY GUISUIDYNO LÁANI
Guisuidyno stipnés mod par guislooyno que radudyno guixquix por xcalnadxiʼ Jehová né Jesús. Né láaca guienno xigony nigolú rasac Memorial de xcalgoity Cristo.
3. Órni radudyno guixquix rachiinni lóono gonyno toib cós
Bunysi pensary que noʼlo lainy toib gueel, reʼlo nís né ma diti radzel xcalrrienlo xi láani gonylo, órcu radxin toib buñ ni racné looy. ¿Naguel ñaladxlo ni bunybu por looy la? ¿O nayopylo toib mod par nadudylo guixquix láabu?
Jehová biscad lóono galnabany né diti labúu quiixno láabu ni ma bunybu por lóono. Colgoʼol 1 Juan 4:8-10 né colgooy xtiitzni:
-
¿Xigony xcalgoity Jesús nigolú rasacni?
-
¿Ximod rasaclo ni buny Jehová né Jesús por looy?
¿Ximod labúu guislooyno que nigolú rasac ni buny Jehová né Jesús por lóono? Colgoʼol 2 Corintios 5:15 né láaca 1 Juan 4:11 né 5:3. Órni ma bíilto tigaaga versículos reʼ, colgooy xtiitzni:
-
¿Ximod labúu guidudyno guixquix?
4. Rasuʼno Jesús
Toib mod ni labúu guidudyno guixquix láani ngú, guisuʼno mod buny Jesús. Colgoʼol 1 Pedro 2:21 né colgooy xtiitzni:
-
¿Ximod labúu nacanaldieʼlo raxt ñeʼ Jesús?
Páa rony representarni cuerpo xtuny Jesús ni diti gop galkié, ni bunycuentbu por guirácano. Né vino rony representarni xirunybu.
5. Ronydo Memorial de xcalgoity Cristo
Par ganlo xi góc primer buelt órni bunyibu Cena del Señor, colgoʼol Lucas 22:14, 19, 20. De ngú colgooy xtiitzni:
-
¿Xí láani góc ló Cena del Señor?
-
¿Xí radudy diitz páa né vino? (Colguibiʼ ni ná versículos 19 né 20).
Jesús goniiny que xpiimbu ñonyibu Cena del Señor tibuelt ló tobiz, dzú ni goitybu. Por ngú, lóodo ni nacdo testigos xtuny Jehová radopdo guirá íz par guisetnaladxdo xcalgoity Cristo, né ronydo láani xomodpa ma goniʼbu. Par labúu ganlo ximod racni, colguibiʼ VIDEO reʼ. De ngú colgooy xtiitzni:
-
¿Xí láani rac ló Memorial?
Jesús gondxiʼbu Xtiitz Dios, goniʼbu diitz sacró né gocnébu stipnés buñ
TIPNÉS BUÑ NÁ: «Nosi raquiin gonyno crer lóo Jesús par labúu guilaano».
-
¿Ximod labúu naquiinlo ni ná Juan 3:16 né ni ná Santiago 2:17 par nabexalo que noʼ más ni raquiin gonyno?
¿XÍ BISUIDYLO?
Radudyno guixquix ni buny Jesús por lóono, órni rapno fe lóbu né órni radopno ló Memorial por xcalgoitybu.
Repas
-
¿Ximod raslooy toib buñ que rapbu fe lóo Jesús?
-
¿Nainy looy gaibylo Jehová né Jesús que nigolú rasac ni bunyibu por looy la? ¿Ximod nainy looy gonylo láani?
-
¿Xigony nigolú rasac tzeelo Memorial de xcalgoity Cristo?
PAR GANLO MÁS
Bicadiag xi rachiin xcalgoity Cristo gonyno.
Bisuidy más de fe né ximod labúu guislooyno láani.
«Gapno fe ló guirá ni ma goniʼ Jehová» (Guiich ni caniʼ, octubre íz 2016)
Bidzaʼ mod bibany toib buñgonaʼ órni biembu xi radudy diitz xcalgoity Jesús. Bíil xi gosaclobu ló historia ro ná, «Rasaca que noʼya nayaa, nabani né noʼya goxt».
«La Biblia bitzaʼ mod bibanyibu» (Guiich ni caniʼ, 1 de agost íz 2011)
Gon xigony chop tzónsi buñ ro páa né reʼ vino ló Memorial.
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
