LESIONY 37
Ni rasetlaa la Biblia de dxiin né bidxiich
¿Ma goyoʼ dzú godudy midid goyoʼlo ló galrrasaʼ por dxiin o bidxiich la? Labúu nasac naganno nadxinaʼno ni guáno, né láaca ñony adorarno Jehová. La Biblia radudy consej galán ni labúu gacné lóono.
1. ¿Xí ná la Biblia de dxiin?
Dios raniiny guioladxno xchiinno. Né scú rasetlaa la Biblia láani, «diti noʼ stoib cós más galán ni gony buñgudxlio que [...] guibaladx por dxiin nadip ni rony» (Eclesiastés 2:24). Jehová nigolú nadip rony dxiin. Órni rasuʼno láabu né ronyno dxiin nadip, ronyno ni rioladxbu né rasacno sacró.
Dxiin nigolú rasacni, per dipa guidudyno lagary que xchiinno guisacni más par lóono que adoración ni radudyno Jehová (Juan 6:27). Láabu radudybu xtiitzbu que sadudybu ni caquiinno pal ragoʼno xchiimbu primer lagary.
2. ¿Ximod non guibiʼno bidxiich né midid?
Ná la Biblia láaca rasetlani que «bidxiich rapni buñ», láaca raibyni lóono que stipláacani diti labúu gonyni que guibaladxno (Eclesiastés 7:12). Por ngú, la Biblia raiby lóono que diti non gonladxno bidxiich, né raibyni lóono ndeʼ: «Coltzoʼ nakit né ni napto» (bíil Hebreos 13:5). Órni noʼno nakit né rabaladxno né ni napno ngú racné lóono par diti tzoʼno ló galrrasaʼ guiyopyno más bidxiich, láaca racnéni lóono par diti tzoʼno ló diʼin por ni násini lóono (Proverbios 22:7). Né diti rioʼno ló riesga kitno por bidxiich, láaca diti cuenunysi ronyno par gapno bidxiich nimaca.
3. ¿Ximod labúu guiquiinno xpidxiichno galán?
Jehová radudy ni nap, né rasuʼno láabu órni radudyno ni napno a stipnés né guidopy xcalnabanyno (1 Timoteo 6:18). Toib mod ni labúu guiquiinno xpidxiichno galán láani ngú órni racnéno guirá gaxt ni cayac lainy congregación né órni racnéno stipnés buñ, máspa la xhermanno. Ni más rasac par Jehová láani ngú xigony radudyno, diti balac radudyno. Pal radudyno ni napno né guidopy xcalnabanyno sabaladxno, né Jehová láaca sabaladx (bíil Hechos 20:35).
NANOY GUISUIDYNO LÁANI
Guisuidyno ximod racnéni lóono órni ragoʼno xchiinno xalagaryni, né tzoʼno conforme né ni napno.
4. Órni ronyno dxiin nadip ronyxiroʼno Jehová
Órni radzakno Jehová sacró, ngú racné lóono coʼno xchiinno xalagaryni. Colguibiʼ VIDEO reʼ né colgooy xtiitzni:
-
¿Xí láani más rioladxlo mod nac né mod rony Jason xchiin?
-
¿Xí láani bunybu par goloʼbu xchiimbu xalagaryni?
Colgoʼol Colosenses 3:23, 24 né colgooy xtiitzni:
-
¿Xigony nigolú rasac gonyno dxiin «né guidopy xcalnabanyno»?
Dxiin rasacni, per dipa guidudyno lagary que guisacni más que adoración ni radudyno Jehová.
5. Galnasác ni racaʼno órni rioʼno conforme né ni napno
Xidalguixo buñ rayopyibu mod gapyibu bidxiich, per la Biblia radudy consej reʼ lóono. Colgoʼol 1 Timoteo 6:6-8 né colgooy xtiitzni:
-
¿Xí consej radudy la Biblia lóono?
Labúu guibaladxno ná napno goxeʼsi cós. Colguibiʼ VIDEO reʼ né colgooy xtiitzni:
-
¿Xigony famil reʼ rabaladxyibu ná diti tampa napyibu bidxiich?
¿Né pal ma napno xiroʼ bidxiich né nainy gapno más ga? Jesús bisetlaa toib ejemplo ro golexabu que pal ronyno pensary modreʼ nacni toib riesga:
-
¿Xí láani rasuidylo de comparación ni buny Jesús? (Colguibiʼ ni ná versículo 15).
Colgoʼol Proverbios 10:22 né colguidzak láani né ni ná 1 Timoteo 6:10. De ngú colgooy xtiitzni:
-
Xpensarylo, ¿xí láani ngú ni más rasac: gacno ximig Jehová la, o gapno xiroʼ bidxiich? ¿Xigony?
-
¿Xí riesga noʼ guisobladxno bidxiich?
6. Jehová sacné lóono tudyno dzú
Órni diti napno dxiin nili bidxiich, ngú sagoʼ prueby lóono balaati fe napno lóo Jehová. Colguibiʼ VIDEO reʼ par guibiʼto ximod guicalóto galnagan reʼ, de ngú colgooy xtiitzni:
-
¿Xí galnagan cualó hermano reʼ?
-
¿Xí láani gocné láabu par diti nareʼganbu?
Colgoʼol Mateo 6:25-34 né colgooy xtiitzni:
-
¿Xí láani ma goniʼ Jehová guidudy a guirá ni ragoʼ láabu primer lagary?
TIPNÉS BUÑ NÁ: «Non goni dxiin par guiyaʼana xfamila. Diti napa tiemp par tzaʼya reunión guirá xomal».
-
¿Xí texto ni sieed ló la Biblia ma gocné looy, par guidudylo cuent que órni rony adorar buñ Jehová ngú ni más rasac?
¿XÍ BISUIDYLO?
Dxiin né bidxiich raquiinno láani, per dipa non gonyni que galsitno de Jehová.
Repas
-
¿Xí labúu gacné looy par guibiʼlo dxiin né midid?
-
Órni rioʼlo conforme né ni naplo, ¿ximod labúu gacnéni looy?
-
Pal Jehová ma goniʼ que sadudy ni caquiin xpiin, ¿ximod labúu guislooylo que naplo confianz láabu?
PAR GANLO MÁS
Bisuidy pal rasetlaa la Biblia que bidxiich malni.
«¿Nap bidxiich dool por guirá cós mal ni cayac la?» (Artículo ni sieed ló jw.org)
Bisuidy xi clas galrrascad rioladx Jehová.
«¿Xí ná la Biblia órni radudyno ni napno?» (Artículo ni sieed ló jw.org)
¿Mal láani kitno por bidxiich la?
«Ni ná la Biblia: ¿Mal kit buñ por bidxiich la?» (¡Despertad!, marz íz 2015)
Bíil xi láani gocné a toib buñ ni godxit por bidxiich né góc buñ gobáan.
«Nigolú bioladxi carreras de mainy» (Guiich ni caniʼ, 1 de noviembre íz 2011)