Órni toib buñ rac dedicar a Jehová, ronybu toib oración ro raibybu Jehová que nosi Jehová gony adorarbu, né ni más guisac par láabu ngú gonybu ni rioladx Dios (Salmo 40:8). Después, órni rionisbu raslooybu nisló stipnés que ma góc dedicarbu Dios. Gac dedicarno Jehová ndeʼ ni más rasac gonyno. Nigolú rasacni, portín radzaʼ mod nabanyno. ¿Xí guichiin looy gonylo láani?

1. ¿Xí láani rachiin lóono gac dedicarno Jehová?

Galnadxiʼ ngú ni rachiin lóono gac dedicarno Jehová (1 Juan 4:10, 19). La Biblia raiby lóono: «Gondxiʼ Jehová Dios xtunylo né guidopynac xcalnabanylo, né guidopynac alma xtunylo, né guidopynac xpensarylo né guidopynac xcalnadiplo» (Marcos 12:30). Galnadxiʼ ni napno Jehová riendxichni mod ranino né mod ronyno. Xomodca chop buñ ni ronladx saʼ rony galtzeʼel, né scúca órni nadxiʼno Jehová rac dedicarno láabu né rionisno.

2. ¿Xí galnasác rascad Jehová a guirá Testigos xtunybu ni ma goyonis?

Órni tzonislo saclo xfamil Jehová, toib famil ni noʼ nakit. Órcu sasaclo que nadxiʼ Dios looy de xidal mod né sioʼlo más gaxtiguié de láabu (bíil Malaquías 3:16-18). Diti nosi Jehová sac xomod Bixioslo, láaca sioʼlo lad toib famil rodann de herman ni noʼ ló guidopynac Gudxlio ni ronladx a Dios né láaca ronladx looy (bíil Marcos 10:29, 30). Scú láani, antes de tzonislo raquiin gonylo tipnés cós. Non guimbulo Jehová, gandxiʼlo láabu né guislooylo que naplo fe ló Xiimbu. Né último, non gaibylo Jehová que gac dedicarlo láabu. Pal ronylo guirá ndeʼ né rionislo saplo oportunida de guibanylo tipzó. Xtiitz Dios ná: «Galrrionis [...] nigoreʼ láaca calaani lóoto» (1 Pedro 3:21).

 NANOY GUISUIDYNO LÁANI

3. Guiráno non ganno chú láabu non gony adorarno

Lainy gudx Israel tipnés buñ buny pensary que labúu ñony adoraryibu Jehová né láaca ñenyibu dioxh falz ni laa Baal. Per diti xinésni ngú ni bunyibu. Por ngú bixel Jehová profeta Elías par ñony corregir layibu. Colgoʼol 1 Reyes 18:21 né colgooy xtiitzni:

• ¿Xí láani buny israelitas?

Xomodca israelitas, lóono láaca non cuuno chú láabu non gony adorarno. Colgoʼol Lucas 16:13 né colgooy xtiitzni:

• ¿Xigony diti labúu gony adorarno Jehová né láaca guienno stoib dioxh o guienno stipnés cós?

• ¿Xí labúu gonyno par guibiʼ Jehová que ma golúno gony adorarno láabu?

4. Buny pensary balaati ronladx Jehová looy

 5. Órni rac dedicarlo racaʼlo xiroʼ galnasác

 ¿XÍ BISUIDYLO?

Galnadxiʼ ni rasacno por Jehová rachiinni lóono gac dedicarno láabu né tzonisno.

Repas

• ¿Xigony nosi Jehová non gandxiʼno né guidopy xcalnabanyno né gony adorarno?

• ¿Xí galrrascad radudy Jehová a Testigos xtuny ni ma goyonis?

• ¿Nainy looy gac dedicarlo Jehová la?