LESIONY 53
Galnakit ni gonylo guioladx Jehová láani
Jehová nac «Dios ni rabaladx» (1 Timoteo 1:11). Raniiny láabu que tzoʼ nakitno né guioladxno guibanyno. Rioladxbu guisaladxno órni ma bunyno dxiin, né cueʼno tiemp par guisacno sacró. Ló lesiony reʼ sasuidyno tipnés mod par tzoʼ nakitno né goxtiguie né ni gony que guibaladx xcalnabany Jehová.
1. ¿Xí non guisetnaladxno órni guiyopyno xí galnakit gonyno?
¿Xí láani rioladxlo gonylo par guisaladxlo né tzoʼlo goxt? Tipnés buñ rioladx guiaʼanyibu lidxyibu, goʼolyibu toib libro, guicadiagyibu música, guibiʼyibu toib película o guibiʼyibu stipnés cós ló internet. Stipnésyibu rioladx gony stipnés cós né ximig, xomod saayibu, guisoblóyibu o kityibu. Nac nitisi cós ni rioladxno gonyno, non ganno que ni raniiny gonyno guioladx Dios láani (Efesios 5:10). Raquiin guienno ndeʼ. ¿Xigony? Portín xidal galnakit ni rioladx buñ gony nacni cós ni rianladx Jehová, xomod galyoxh, galchiser o órni rioladx buñ gonynaa a stipnés (bíil Salmo 11:5). ¿Xí láani sacné lóono par ganno xí láani gonyno?
Pal rayopyno ximigno ni nadxiʼ a Jehová, layibu sacnéyibu lóono par guiyopyno xi galnakit gonyno. Mod bisuidyno ló lesiony 48, «ni rasané buñ ni noʼ xcalrrien sadxin sac buñ ni noʼ xcalrrien». Buñ ni ma biaʼ rasané buñ ni diti nap respet ni rony mandary Jehová «sarecaa mal» (Proverbios 13:20).
2. ¿Xigony nigolú rasac ganno balac tiemp radudyno ló galnakit?
Ná galnakit ni ronyno diti malni non gapno cuidad diti tudyno xiroʼ ór loni. Portín pal ñonyno láani scú, diti ñapno xiroʼ tiemp par gonyno stipnés cós ni más rasac. La Biblia rony animar lóono «guiquintzayno xtiempno galán» (bíil Efesios 5:15, 16).
NANOY GUISUIDYNO LÁANI
Ganno xi labúu gonylo par cutzaylo xi galnakit gonylo.
3. Goleʼ tiplad galnakit ni ragoʼ looy ló riesga
¿Xigony cutzayno galnakit ni gonyno? Colguibiʼ VIDEO reʼ né colgooy xtiitzni:
-
¿Ximod casi toibsi midid góc galrradíil ni goyoʼ gudx Roma né ni noʼ ló naareʼ?
-
Mod bibiʼno ló video, ¿xí láani bisuidy Danny de galnakit?
Colgoʼol Romanos 12:9 né colgooy xtiitzni:
-
¿Ximod racné versículo reʼ lóono par labúu cutzayno xí galnakit gonyno?
¿Xí láani nac tipnés cós ni rianladx Jehová? Colgoʼol Proverbios 6:16, 17 né Gálatas 5:19-21. Órni ma bíilto tigaaga texto reʼ, colgooy xtiitzni:
-
Guirá cós ni bitlaa ló texto reʼ, ¿xí láani más rony buñ ló galnakit ló naareʼ?
¿Ximod labúu cutzayno galnakit ni gonyno?
Gonabdiitz ndeʼ looy:
-
¿De xí raniʼni? ¿Guirá galnakit reʼ napni cós ni rianladx Jehová la?
-
¿Pu ór? ¿Raguiñani stipnés cós ni más rasac la?
-
¿Né xí clas buñ? ¿Sadudi xiroʼ tiemp né buñ ni diti nadxiʼ a Jehová la?
Par labúu guilaa toib buñ non galsitbu ronoʼ riesga. Por ngú non galsitno de galnakit ni ronyno pensary que nac toib riesga.
4. Biquiintzay xtiemplo
Colguibiʼ VIDEO reʼ né colgooy xtiitzni:
-
Ná hermano ni bibiʼno ló video diti cayonybu cós mal, ¿xí galnagan cualóbu por mod biquiimbu xtiempbu?
Colgoʼol Filipenses 1:10 né colgooy xtiitzni:
-
¿Ximod labúu gacné versículo reʼ lóono par ganno balac tiemp guiquiinno órni gonyno ni rioladxno gonyno?
5. Golútzay galnakit ni gacné looy
Noʼ galnakit ni diti rioladx Jehová per noʼ stipnés galnakit ni rioladxbu, né lóono sioladxno gonyno láani. Colgoʼol Eclesiastés 8:15 né Filipenses 4:8, né colgooy xtiitzni:
-
¿Xí galnakit ni racné looy rioladxlo gonylo?
Labúu tzoʼ nakitno né goxtiguie né labúu coʼ nakitno xcalnabany Jehová.
TIPNÉS BUÑ NÁ: «¿Nigolú mal nac galnakit ni nap galchiser, galyoxh o ro ronynaa buñ saʼ la? ¡Nacni toib galkié órni buñ rony láani!».
-
Looy ¿xí nálo?
¿XÍ BISUIDYLO?
Jehová raniiny guiyopyno galnakit ni labúu gacné lóono né guioladxno gonyno láani.
Repas
-
¿Xí clas galnakit diti rony cristianos?
-
¿Xigony non gapno cuidad balac tiemp rasnitno ló galnakit?
-
¿Nainy looy guiyopylo galnakit ni rioladx Jehová la? ¿Xigony?
PAR GANLO MÁS
Gon chú láabu non guiniʼ xi galnakit gonyno.
Bíil ximod guiyopylo xi galnakit gonylo né ximod guiquiinlo xtiemplo.
«¿Galnakit ni ronyno racnéni lóono la?» (Guiich ni caniʼ, 15 de octubre íz 2011)
Bíil ximod toib buñguieeu bisiambu tipnés galnakit ló experiencia xtunybu ni laa, «Godabioya guirá buñ».
«La Biblia bitzaʼ mod bibanyibu» (Guiich ni caniʼ, 1 de febrero íz 2010)
Gon xi láani buny toib buñgonaʼ órni bibiʼbu galchiser ló televisión.
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
