MIDID 3
¿Ximod góc lagary sacroyen ro bibany Adán né Eva?
Adán né Eva cuáyibu xidal cós tzaay ni Jehová biduidy layibu (Génesis 1:28).
Jehová bisaʼ Eva primer buñgonaʼ ni goyoʼ ló Gudxlio, ni Jehová biduidy Adán né ndeʼ bidxin góc tzeelbu (Génesis 2:21, 22).
Jehová bisaʼ tzaay layibu sin galkié.
Lagary ro golésyibu gocni toib lagary sacroyen ni góc laa Edén ro goyoʼ guʼuc, yac cuánnax né nimal.
Jehová goniné né bisuidy layibu, né pal nacadiagyibu, labúu nabanyibu tipzó lainy lagary sacroyen ló Gudxlio.
Dios góoch layibu que diti ñoyibu toibtica yac cuánnax (Génesis 2:16, 17).
Jehová bilooy a Adán né Eva toib yac cuánnax ni goyoʼ lainy lagary sacroyen cú, Jehová góoch layibu que pal ñoyibu xcaa yac reʼ ñaityibu.
Toibtica ángel xtuny Dios nigolú mal góc né cualó Láabu, né ndeʼ bidxin góc Buñdzab.
Buñdzab diti goniiny que Adán né Eva nasobyibu Jehová. Por ngú, Buñdzab biquiimbu toib beʼel ni góoch Eva que pal ñoyibu cuánnax ni Jehová goní diti ñoyibu, guidxin gacyibu xomod Dios né diti saityibu. Guirá ni goní Buñdzab toib garascu rodann gocni (Génesis 3:1-5).
Sigory láaca sioladxlo ndeʼ
VIDEOS XTUNY LA BIBLIA: GALRRASUIDY NI DITI NAGAN
¿Xigony bisaʼ Dios Gudxlio?
Sacróyen nac Gudxlio. Dios goloʼ Gudxlio merpa xalagaryni diti sit né diti gaxtiguié de Govitz né par nabixnayni de buenti midid. ¿Xigony Dios bunybu rutirigaʼlni láabu par nasaʼbu toib lagary sacróyen?
LA BIBLIA ¿DE XÍ RANIʼNI?
Jehová rascad toib lagary sacróyen a buñgudxlio
¿Ximod raslooy la Biblia mod goyoʼ buñ? ¿Xí buny mandary Dios a Adán né Eva?
