MIDID 13
¿Xí non gonyno par guibaladx Dios?
Guirétzono de guirá cós mal (1 Corintios 6:9, 10).
Pal nadxino Jehová diti sonyno cós ni rianladxbu.
Jehová diti rioladx cuanno, guisochno, cobno gues, mariguan o stipnés guix.
Dios rianladx guigaity buñ saʼ, né rianladxbu guituidy buñ xiin. Láabu diti rioladx gacno buñ moxh, né diti rioladxbu que guisobladxno o tíilno né buñ.
Diti gacno buñ chiser, né diti guisanadxno dioxh.
Lagary móz ro guibanyno ni mápa mer guieed, ma diti sioʼ buñ ni gony cós mal.
Non gonyno cós tzaay (Mateo 7:12).
Pal nainy lóono guibaladx Jehová, non guisuuno láabu.
Gacno buñ tzaay, gandxiʼno né gacnéno guirá buñ.
Guinino pór nigolú diti guiscúno buñ.
Guituidyno xcalkié stipnés scásiʼ.
Guinino de Jehová né ni rabybu lóono non gonyno ni sieed ló la Biblia (Isaías 43:10).
Sigory láaca sioladxlo ndeʼ
VIDEOS XTUNY LA BIBLIA: GALRRASUIDY NI DITI NAGAN
¿Racacuent Dios guirá religión la?
Xidal buñ rony crer que guirá religión rasuidy xinésni.
DE LÓODO
¿Xigony guisuidyno la Biblia?
La Biblia cayacné a xidalguixo buñ ló guidopynac Gudxlio par guidzelyibu guirá galrranabdiitz ni más rony buñ. ¿Nainy looy gaclo toibtica de layibu la?
