Gonab xcalrracné Dios né bisuidytzay xquiichlo. Gonab xcalrracné Jehová par guisuidylo stipnés ni nábu né diti gonyxiroʼlo looyca. Buny pensary xi puntos ni más rareʼ loguiaʼ raquiin cuéxalo. Diti nosi goʼol lo ni sieed ló xquiichlo. Goniʼ láani ló xtiitzcalo.

Ni guiniʼlo guireʼni lainy xcalnabanylo. Buny pensary xigony buñ raquiin guicadiag xtiitz Dios. Buny pensary ximod rasac buñ. Pal ronylo láani scú, mod rasagaʼlo, mod rasislo ñalo, mod ronylo lólo saduidyni diitz que nigolú rioʼlo galrrasaʼ por layibu né que rasaclo mod rasacyibu.

Bibiʼ lóo buñ ni caninélo. Pal buñ diti radzuitz bibiʼ lóbu. Órni guituidylo discurs xalagary guibiʼlo lóo guirá buñ ni bidop, bibiʼ ló toib buñ de ngú bibiʼ ló stoib.