Biyopy información ni labúu gapno confianz. Ni guiniʼlo non cueʼlo láani ló Xtiitz Dios né pal labúuni bíilne láani buñ. Pal rasetlalo de ciencia, notísy, ni gosaclóo toib buñ o stipnés cós ni góc, cuá cuidad que nigolú gocni né diti ma godudy xtzúni.

Diti cuenunysi guiquiinlo información. Órni cuéxalo toib texto, bibiʼ versículo ni sieed antes né ni sieed después, bieen xi ná Jehová guisuidy lóono ló versículocu, láaca non guidzakni né guirá ni ná la Biblia né ni ná guiich ni rabeʼ «mós ni rony xinésni né naní xcalrrien» (Mat. 24:45). Pal rabeʼlo información ló stipnés guiich, diti guisaʼlo loni né buny pensary xigony cuáni.

Gocné buñ ni cacadiag looy guiluladx ni caniʼlo. Órni ma bíil lo toib texto o ma biquiinlo toib información, biyopy mod buny galrranabdiitz o bisetlaa toib ejemplo par gacnéni buñ ni cacadiag looy modreʼ stipláacayibu guiduidyibu cuent que nigolúni.