Antes de guisuidylo buñ

1. 1. Bisuidytzay xquiichlo. Buny pensary ló ni caquiin buñ ni rasuidylo, ló ni cadudybu, né ló ni ronybu crer. ¿Noʼ toib cós ni guisac nagan guiembu o guisobbu la? Bíil artículos né bibiʼ videos ni rarecaa ló sección ni laa, «Par ganlo más» né buny pensary ximod labúu gacnéni buñ ni rasuidylo. Modcu labúu guiquiinlo láani órni guisuidylo láabu.

Laʼga casuidylo láabu

1. 2. Pal buñ ni casuidylo noʼ de acuerdo, buny toib oración par saló guisuidyto né stoib órni guiloxto.

2. 3. Gop cuidad diti guiniʼgolulo. Nosi goniʼ ni sieed ló lesiony ni casuidyto, né bidudy lagary que láabu guiniʼbu.

3. 4. Órni guisuidyto toib midid copy, bíil ni rareʼ loguiaʼ né bisetlaa tipnés títulos ni sieed ló tipnés lesiony.

4. 5. Órni ma biloxto toib midid, biquiin ro ná repas par gacnéni buñ guisetnaladxbu guirá ni ma bisuidybu.

5.  6. Órni guisuidylo tigaaga lesiony né buñ:

   1. Colgoʼol toibsi párrafos ni sieed ro rasalóni.

   2. Colgoʼol guirá textos ro ná «Colgoʼol».

   3. Pal raquiinni colgoʼol stipnés ni rarecaa loni.

   4. Goloʼ guirá videos ni sieed ro ná «Colguibiʼ» (órni labúuni).

   5. Buny guirá galrranabdiitz.

   6. Colguibiʼ guirá retrat ni rarecaa ro ná «Nanoy guisuidyno láani».

   7. Biquiin cuadriyen ni laa, «Buny por gonylo ndeʼ» né modcu buñ ni casuidylo stipláacabu guibiʼbu ximod seeni láabu. Buny animar láabu gapbu metas. Labúu gacni ni rarecaa ló cuadriyen cu o labúu gacni stoib.

   8. Gonabdiitz láabu pal bioladxbu toib artículo o video ni rarecaa ló «Par ganlo más» órni bisuidybu xquiichbu.

   9. Buny por guisuidylo né láabu guidopyca lesiony.

Órni riguenlo láabu

1. 7. Buny pensary ló buñ ni casuidylo. Gonab Jehová guisiab xcalnasác ronoʼbu par niʼsbu lainy xcudxbu, né guidudybu galnan looy par labúu gacnélo buñcu.