GOSALÓ GONINÉ BUÑ
LESIONY 4
Góc buñdxo
Principio ni sieed ló la Biblia: «Colgac buñdxo né colgony pensary que stipnés más rareʼ loguiaʼ lóto» (Filip. 2:3).
Ni buny Pablo
1. Bibiʼ VIDEO o bíil Hechos 26:2, 3. De ngú gon ximod rarexa guirá galrranabdiitz reʼ:
-
¿Ximod bislooy Pablo que gócbu buñdxo por mod goninébu rey Agripa?
-
¿Xí láani buny Pablo par ñony buñ pensary lóo Jehová né ló la Biblia, né diti en láabu? (Bibiʼ ni ná Hechos 26:22).
¿Xí rasuidyno de ejemplo xtuny Pablo?
2. Diti sasac nagan buñ guicadiag lóono pal raninéno layibu né respet né racno buñdxo.
Bisuʼ Pablo
3. Diti guislooylo que más rasaclo que buñ ni caninélo. Diti gonylo que buñ ni caninélo guisac que looy nigolú nanlo, né que láabu diti nanbu xitcal. Guirási ór goniné láabu né respet.
4. Bisien buñ ni caninélo que ni raniʼlo sieedni ló la Biblia. Xtiitz Dios labúu guidxinni lainy xcalnabany buñ. Órni raquiinno láani, racnéno layibu par gac dxich fe xtunyibu.
5. Góc buñ nadaʼa. Diti guiniʼlo que looy ngú ni nap razón. Diti rayopyno tíildiitzno né buñ. Pal raclo buñdxo sacnéni looy par diti guidzuitzlo né ganlo pu ór ma guireʼlo lidxbu (Prov. 17:14; Tito 3:2). Pal racapylo sacró buñ né raslooylo que naclo buñ nadaʼa, labúu gonyni que guisaguelbu gooybu diitz né lóono stoib ór.
