GOSALÓ GONINÉ BUÑ
LESIONY 5
Biyopy mod guininélo buñ
Principio ni sieed ló la Biblia: «Guirá ór colguiyopy mod guiniʼto» (Col. 4:6).
Ni buny Pablo
1. Bibiʼ VIDEO o bíil Hechos 17:22, 23. De ngú gon ximod rarexa guirá galrranabdiitz reʼ:
-
¿Ximod gosac Pablo órni bibiʼbu que nigolú bidzá dioxh falz lainy gudx Atenas? (Bibiʼ ni ná Hechos 17:16).
-
¿Ximod biyopy apóstol Pablo mod par goninébu buñ atenienses?
¿Xí rasuidyno de ejemplo xtuny Pablo?
2. Labúu sacadiag buñ lóono, pal rabútzayno ni guinino, mod guinino láani né pu ór guinino láani.
Bisuʼ Pablo
3. Golútzay diitz ni guiniʼlo. Por ejemplo, pal raninélo toib buñ ni diti ma gop xireligión o diti nan de la Biblia, pentzi saquiin guiniʼlo de la Biblia o de Jesús gadzé mod.
4. Diti nimaca gaibylo buñ púti biché. Bidudy lagary buñ ni caninélo guiniʼ ni rony pensary o ni noʼ lainy xcalnabanybu. Né órni guiniʼbu cós ni diti radzak né ni ná la Biblia, diti gaibylo láabu que diti ngú ni goniʼbu (Sant. 1:19). Pal racadiagtzaylo buñ, labúu sadudylo cuent xi ronybu crer né xigony ronybu crer láani (Prov. 20:5).
5. Órni labúuni, góoch buñ ni caninélo que xinésni ngú ni goniʼbu né buny felicitar láabu. Bisetnaladx que pentzi buñcu nigolú ronybu crer que xinésni ngú ni goniʼbu. Primer biyopy toib tema ni guiropcato rioladxto, de ngú gocné láabu par dxoga dxoga guiembu ni rasuidy la Biblia.
