BUNY REVISIT
LESIONY 7
Diti guiañ tzáguenlo buñ ni goninélo
Principio ni sieed ló la Biblia: «Guirá dzú bisuidyibu né goniʼyibu diitz sacró de Cristo» (Hech. 5:42).
Ni buny Pablo
1. Bibiʼ VIDEO o bíil Hechos 19:8-10. De ngú gon ximod rarexa guirá galrranabdiitz reʼ:
¿Xí rasuidyno de ejemplo xtuny Pablo?
2. Par gonyno revisit né saló guisuidyno buñ ni ná la Biblia, raquiin cueʼno tiemp né gonyno rutirigaʼlni lóono.
Bisuʼ Pablo
3. Goyguen buñ ni goninélo órni labúuni láabu. Gonabdiitzca looy: «¿Pu ór napbu tiemp par guininébu naʼ? ¿Púti rioladxbu guibiʼdo saʼdo?». Gosaguel tzáguenlo buñ, ná moda noʼ xchiinlo órcu.
4. Gonabdiitz buñ pu ór labúu gooyto diitz stoib. Diti guichoclo ló ni caniʼlo pal yása guiniʼto ór né dzú ni tzáguenlo láabu. Né diti gony faltlo dzúcu.
5. Diti guireʼganlo. Diti gonylo pensary que buñ ni goninélo diti nainy gan ni rasuidy la Biblia nosi portín diti rigaʼlo láabu rioʼ o portín nogoluʼ xchiimbu (1 Cor. 13:4, 7). Diti guiañ tzáguenlo buñ ni goninélo né biyopyra láabu, per biquiintzay xtiemplo (1 Cor. 9:26).
