MIDID 2
Guiérodann hasta órni bireʼyibu Egipto
Nosi xhoon buñ bilaa órni góc guiérodann, per diti xidzú íz bidxin gocyibu xidalguixo buñ. Abrahán gool 352 íz de goló biab guiérodann cú ló Gudxlio. Guisuidyno ximod Dios buny ni goníbu que Abrahán tzó toib xiin ni gac laa Isaac. De guirop xiin Isaac Dios golú Jacob.
Jacob gop toib family rodann, goyoʼ doce xiin buñguieeu né láaca tipnés buñgonaʼ. Chii xiin Jacob bianladxyibu buchbu ni más mbioxhlasien ni góc laa José, né bitoʼyibu José par ñoʼ xan xomandary egipcios. Más xidzú José bidxin góc toib buñnan ni buny mandary Egipto. Órni bieed toib galsii, José goloʼ prueby a guirá buch par labúu ñanbu pal layibu ma bisian mod nac. Bidxin dzú guirá xfamily Jacob ni góc laa israelitas bidxinyibu Egipto. Guirá ndeʼ gocni órni ma godudy 290 íz de goló gool Abrahán.
Guirá dzú ni bibany israelitas lainy gudx Egipto gocni 215 íz. Órni goity José goyoʼyibu xan xomandary Faraón. Godudy xidal íz né Moisés gool, ór cú Dios biquiin láabu par goleʼ guirá israelitas xan xomandary guirá buñreʼ. Pal ragabno guirá íz reʼ rasaʼni 857 íz de historia ló Midid CHOP.
LÓ MIDID REʼ
HISTORIA 12
Buñ rasaʼ toib torre nasoʼ
Dios diti bioladx órni buñ bisaʼ toib torre nasoʼ por ngú bitzaʼbu xtiitz guirá buñreʼ por ngú ló naareʼ noʼ xidal diitz.
HISTORIA 16
Toib gonaʼ tzaay ni guicaʼ Isaac
¿Xigony góc Rebeca toib galán buñgonaʼ par Isaac? ¿Por ni gócbu toib gonaʼ móz la? o ¿Xigony?
HISTORIA 17
Cuach ni diti góc toibsi clas
Isaac binladxbu más a Esaú per Rebeca binladxbu más a Jacob.
HISTORIA 22
José noʼ press
Ragoʼyibu José press diti pór ni bunybu cós mal xalagary ngú pór ni bunybu cós tzaay.
HISTORIA 23
Xpacaʼal Faraón
Gatz vac né gatz doo ni bibiʼ Faraón ló xcaʼal, ¿noʼ ni raduidyni diitz la?
HISTORIA 24
José ragoʼ prueby buch
¿Ximod labúu ñan José pal guirá buchbu ma diti nac buñ mal xomod dzú ni bitoʼyibu José?
HISTORIA 25
Family ni radxiin Egipto
¿Xigony xfamily Jacob bireʼ laayibu israelitas né diti jacobitas?
HISTORIA 26
Job rony ni ná Dios
Job bisnit guiráxadit xcós, bixoʼbu né guirá xiimbu goity. ¿Dios bituidy láabu ló galrrioʼob la?
HISTORIA 27
Toib Faraón mal rony mandary Egipto
¿Xigony buny mandary Faraón que ñaity guirá xiin israelitas ni nac buñguieeu?
HISTORIA 29
Xigony bixony Moisés
Moisés buny pensary que ma noʼbu puext par nalaabu guirá israelitas órni gopbu 40 íz, per diti bidxin gocni scú.
HISTORIA 30
Yac gúch ni cacáa guii
Después ni Dios rony xidal galrradziguiaʼ raibybu Moisés que ma bidxin ór que cueʼbu gudx Israel de Egipto.
HISTORIA 31
Moisés né Aarón rieyibu nisló Faraón
¿Xigony diti ragoʼ Faraón cuent ni raiby Moisés láabu né diti raduidybu lagary tzee guirá israelitas?
HISTORIA 32
Chii plagas
Dios bixel chii plagas ronoʼ gudx Egipto portín Faraón diti biduidybu lagary que guirá israelitas nareʼ ñee.
HISTORIA 33
Cadudyibu nisdaʼ Xináa
Moisés raxal galaʼ nisdaʼ Xináa por xcalnadip Dios né guirá israelitas rasaló radudy ló yoovich.