MIDID 4
Primer ni buny mandary Israel hasta órni séeyibu gudx Babilonia
Saúl góc primer buñguieeu ni gosaló buny mandary Israel. Per Jehová goleʼ Saúl tiplad, né golúbu a David par gony mandary xalagarybu. Guisuidyno xidal cós ni buny David. Dzú nacbu mbioxhlasien, cualóbu buñguieeu ni nigolú nasoʼ ni góc laa Goliat. Diti xidzú de goló góc ndeʼ, David bixony de Saúl ni bianladx láabu. Ór cú buñgonaʼ móz ni góc laa Abigail bicaa lóbu de ñonybu toib cós ngaʼal.
Láaca guisuidyno de xidal cós ni buny Salomón, xiin David, ni buny mandary Israel xalagarybu. Primer tzón buñguieeu ni buny mandary Israel, cada toibyibu buny láani por 40 íz. Órni goity Salomón, gudxrop de Israel bidzoni en chop gobierno, toibni góc de chop family xiroʼ né stoibni góc de chii family xiroʼ.
Gobierno de chii family xiroʼ buny mandary por 257 íz né ór cú binitló buñ asirios gobierno reʼ. Godudy 133 íz láaca binitló gobierno de chop family xiroʼ. Nigoreʼ goyoʼ ni biné a israelitas xomod buñ ni sée press Babilonia. Pal ragabno guirá íz reʼ Midid TAP rasaʼni 510 íz de historia, né ló guirá íz reʼ radudy xidal cós ni sioladxno guisuidyno.
LÓ MIDID REʼ
HISTORIA 56
Saúl ni primer buny mandary Israel
Dios primer golú a Saúl par gonybu mandary per después Jehová bilit láabu ló galmandary cú. ¿Noʼ ni rasuidyno mod bunybu la?
HISTORIA 58
David né Goliat
David diti bunybu gan a Goliat por ni biquiimbu toib honda xalagary ngú goyoʼ toib ni más nadip ni gocné láabu.
HISTORIA 59
Xigony raxony David
Primer, Saúl bibaladxbu por ni buny David, per después gosaló bidzuitzbu David, ¿xigony?
HISTORIA 60
Abigail né David
Abigail goniʼ que tzeelbu Nabal nac toib buñ ngaʼal, ná scú láabu ronybu por guilaabu tzeelbu ná por chop tzónsi dzú.
HISTORIA 61
David rony mandary
David raslooy que noʼbu puext par gony mandarybu gudx Israel, raslooybu láani por ni ronybu né por ni diti ronybu.
HISTORIA 62
Rioʼ galnagan lidx David
David rony toib galkié rodann né por ngú radudybu ló galnagan por xidal íz toibsi né xfamilbu.
HISTORIA 64
Salomón rasaʼ yoʼ xiroʼ
Salomón gop xiroʼgolu galnann ná scú goyoʼ ni bikíil láabu ñonybu cós mal.
HISTORIA 65
Gobierno radzoni
Órni Jeroboán rasaló rony mandary ni maca ronybu que guirá buñ guisian de gony adorar a Jehová.
HISTORIA 66
Jezabel gonaʼ mal ni rony mandary
Órni Jezabel rasobladx toib cós, diti noʼ ni racaa láabu par guicaʼbu láani.
HISTORIA 67
Jehosafat nap confianz lóo Jehová
¿Xigony goyné Jehosafat buñ ni roʼol cántico ló guerr xalagary ninébu soldad né guip?
HISTORIA 68
Chop mbioxien rabany stoib
Toib buñ ni ma goity, ¿labúu sabanybu stoib la? ¿Ma gocni toibtica buelt la?
HISTORIA 69
Mbioxgonaʼyen racné buñxirop
Mbioxgonaʼyen reʼ gop balory goniʼ né por ni bunybu ngú, góc toib galrradziguiaʼ.
HISTORIA 71
Dios raniʼ guiduidy Gudxlio móz
Lagary móz ni goyoʼ nírcu gocni toib lagary mitien; per ló dzú ni sietra guidopynac ló Gudxlio sácni mózdiguieʼ xomod nírcu.
HISTORIA 73
Último ni rony mandary tzaay Israel
Mbioxhlasa nac Josías órni bunybu toib cós ni biquiin balory.
HISTORIA 74
Toib buñguieeu ni diti radzuiby
Dios biliña a Jeremías par gacbu toib profeta, ná Jeremías buny pensary que diti labúu sonybu láani portín mbioxsa láabu.
HISTORIA 76
Jerusalén ranitló
¿Xigony biduidy Dios lagary que xi enemig gudx Israel nanitlóyibu Jerusalén?
