TOIB dzú Jesús raibybu toib buñguieeu non gandxiʼ saʼ. Buñguieeu reʼ ranabdiitzbu Jesús: ¿Chú ngú buñ ni non gandxiʼya? Jesús nann xí cayony pensary buñguieeu reʼ. Cayonybu pensary que nosi buñ xcudxbu né xireligiónbu ngú ni non gandxiʼbu. Por ngú, guisuidyno ni raiby Jesús láabu.

Rioʼ ór Jesús par guisuidy raniʼ de toib historia. Ngú ni ronybu nigoreʼ. Ranibu historia xtuny toib judío né toib samaritano. Ma bisuidyno que xidal judíos diti rioladx guininéyibu buñ samaritanos. Ndeʼ historia cú:

Toibtica dzú toib judío casañeʼbu cayetjbu ló néz laidy toib dainy ni sée Jericó. Per tipnés gobáan bireʼ lóbu. Golann xpidxiichbu né bunynaa láabu né mersi ñaitybu.

Diti xiroʼ ór, toib judío ni rasanir nisló israelitas par gony goʼox láaca godudy ló néz cú. Bibiʼbu buñ ni gocnaa reʼ. ¿Nanlo xí bunybu la? Diti golóbu cuent, godudybu stoib lad. Ór cú stoib buñ ni láaca nap xireligión godudy ló néz cú. Nacbu toib levita. ¿Gocnébu la? Yaca, diti gocnébu samaritano reʼ. ¿Labúu rabilo ni rasanir nisló israelitas par gony goʼox né levita ni ma gosaa xiroʼ lainy guet ló néz ca la?

Per bibiʼ chú láabu noʼ cayacné buñ ni bireʼ herid. Nacbu toib buñ samaritano né cayacnébu judío reʼ. Láabu ragoʼbu remeidy ló xi herid buñguieeu reʼ. Láaca rinébu judío reʼ toib lagary par labúu guisaladx né guiaal.

Ralox raniʼ Jesús historia reʼ, raibybu ni gonabdiitz láabu: De tzón biinreʼ, ¿chú láabu ngú ni gondxiʼ saʼ? ¿Ni rasanir nisló israelitas par gony goʼox, levita, o samaritano la?

Buñguieeu reʼ racapy: Láabu ngú samaritano ni góc buñtzay né ni gocnaa.

Jesús ná: Xinésni goniʼlo. Por ngú, goyee né buny a stipnés xomod bunybu láani.

¿Diti rioladxloʼ mod bisuidy Jesús la? Lóono labúu guisuidyno xidal cós ni rasac ló la Biblia ni raniʼ de Jesús.