ACOMODADORES. Acomodadores noʼyibu par gacnéyibu looy. Bisob guirá ni náyibu né bisagaʼ xcamionlo ro cayaibyibu looy, bisob órni raibyibu looy pu niis saalo, pal labúu gony apartarlo xilet né stipnés cós.

BUÑ NI CAXOʼ. Lagary reʼ noʼni nosi par buñ ni nigolú caquiin láani.

BUÑ NI TZONIS. Tipnés xilet ni noʼ delant noʼni nosi par buñ ni tzonis, per labúu cuuto loni pal acomodador raiby lóoto que labúu gonyto láani. Buñ ni tzonis non guiquiinyibu xilet ni noʼ lagarycu antes de saló discurs ni rioʼ par buñ ni tzonis dzú sábda rosil. Guirá ni tzonis non tzanéyibu toib tuay né guacyibu lairy ni diti radudy binii né ni diti nabédxich.

CÓS NI BINIT. Guirá cós ni ma binit non gonycuento láani ronoʼ Departamento de Objetos Perdidos. Pal noʼ ni ma bisnitlo, goyee biyopy láani lagarycu. Láaca lagarycu goyné mbiox ni ma binit. Par diti coʼto ló galrrasaʼ buñ, guirási ór colganpa xiinto né colguibiʼ pu noʼyibu.

DONACIONES. Xiroʼ gaxt góc par labúu ñoʼ xilet, sonido, video né stipnés cós par labúu guiguaʼno goxt ló samblia né guibigaxno Jehová. Guirá donaciones ni radudyto né guidopy xcalnabanyto, racnéni guiax guirá gaxt reʼ né láaca racnéni guiax guirá gaxt ni rony xcudx Dios ló guidopynac Gudxlio. Ló guidopyca lagary ro rac samblia noʼ caj ro labúu coʼto donaciones. Raxquixpado lóoto por donaciones ni radudyto. Tidxó buñ ni nap xiroʼ Galnan radudy guixquix lóoto por ni cayacnéto Gobierno xtuny Dios.

NI NÁ GACNÉ. Pal nainy looy gonylo dxiin ló samblia goyee ronoʼ Departamento de Información né Servicio Voluntario.

XILET. Ranabdo looy gaplo respet stipnés. Bisetnaladx que nosi gony apartarlo xilet par xfamilo, par buñ ni bieed né looy lainy camión, ni rabés lidxlo o buñ ni casuidylo la Biblia. Diti guisianlo cós ló xilet ni diti guiquiinlo.

Scuel par ni Raniʼ Xtiitz Dios Raruʼdo precursores ni nap 23 a 65 íz né ná gony más xchiin Dios, tzeeyibu reunión ni gac doming godzu pal nainy layibu tzeeyibu scuel reʼ. Ór né lagary ro gacni herman guiniʼ láani ló plataforma.