¿Xí ni ná Dios gony?
Dios raniiny guibanyno goxt né sacroyen por tipzó ló Gudxlio móz.
Sigory ronylo pensary: «¿Ximod labúu gac ndeʼ?». La Biblia ná que Gobierno xtuny Dios sony láani nigolú. Ni Bisaʼ lóono raniiny que guiránac buñ gann de Gobierno reʼ, né xí gonyni por buñgudxlio (Salmo 37:11, 29; Isaías 9:7).
Dios raniiny que tzeni lóono galán.
Xomod toib buñ ni ma noʼ xiin rioladx que xiin guibany sacró, scúca Bixiosno ni noʼ guibá raniiny láabu que guiguaʼno goxtiguie por tipzó (Isaías 48:17, 18). Láabu raduidybu xtiitzbu que «ni rony ni ná Dios [sabany] tipzó» (1 Juan 2:17).
Dios rioladx saano ló xinésbu.
La Biblia ná que Jehová raniiny guisuidy lóono xí láani ngú «xinésbu» par labúu saano «ló xinésbu» (Isaías 2:2, 3). Ma bitopbu «toib gudx ni riné laabu» par ló guidopynac Gudxlio gann buñ ni nábu gonybu (Hechos 15:14).
Dios rioladx gony adorarno láabu toibsi.
Religión ni rasuidy xinésni nap galnadxi. Diti rabeʼni buñ tiplad (Juan 13:35). ¿Chú layibu casuidy a buñguieeu né buñgonaʼ de guiránac gudxrop gony adorarno Jehová toibsi? Raruʼdo looy gannlo ximod rabexa follet reʼ láani.
Sigory láaca sioladxlo ndeʼ
DE LÓODO
¿Ximod rasuidyno buñ de la Biblia?
Ló guidopy Gudxlio rimbu buñ a testigos xtuny Jehová por ni rasuidyibu buñ scásiʼ. Gon ximod ronyibu láani.
DE LÓODO
¿Xigony guisuidyno la Biblia?
La Biblia cayacné a xidalguixo buñ ló guidopynac Gudxlio par guidzelyibu guirá galrranabdiitz ni más rony buñ. ¿Nainy looy gaclo toibtica de layibu la?
